أنا ابن المنطقة الشعبية.. النائب محمد الحسيني لـ تحيا مصر: مفيش مسؤول عايز يفشل.. وحلمي نعمل نادي يخدم 3 مليون ببولاق الدكرور

تحدث النائب محمد الحسيني، وكيل لجنة الإدارة المحلية بمجلس النواب، عن الخبرات التي تحصل عليها في العمل البرلماني والمحلي والميداني، قائلا: "أنا ابن المنطقة الشعبية وأنا كنت عضو مجلس محلي أكسبتني خبرات كبيرة واجتدهت إني أعرف أعمل معادلة نجاح بأقل تكلفة وأقل مجهود وانعكاساته ظهرت في المنتج الذي نشاهده خلال الفصل التشريعي الأول والثاني لمجلس النواب".

النائب محمد الحسيني لـ تحيا مصر: مفيش مسؤول عايز يفشل

وقال "الحسيني" خلال لقاءه بالزميل محمود فايد مدير تحرير موقع تحيا مصر على هامش جولة أجراه الموقع للدائرة: "الناس بتتساءل: الحاجة دي طالما موجودة من زمان مخدتهاش ليه؟..لما بقينا في موقع المسؤولية.. قدرنا ننقل للمسؤولين والمسؤولين تعاونوا معانا.. علشان كده بطمن كل اللي بيسمعنا مفيش مسؤول عايز يفشل وتروحله ويتأخر".

وتابع: "علشان كده بقول الوعي والإدراك نمهم وهي أكبلر مشكلة تواجهنا، يجب أن نعرف المواطن ما هي مشاكلنا وايه اللي بنسعى له. والمعرفة والوعي غير مرتبطة بالمستوى التعليمي. ويجب أن يكون من يتحدث عن الوعي والإدراك مثال حي لده.. أنا بتحرك بالموتسيكل مع صحابي .. بشوف بعيني المشكلة فين والحل فين.. علشان كده لازم نزود وعينا ونبحث عن الحقيقة من خلال ناس تثق بهم".

حلمي نعمل نادي يخدم 3 مليون ببولاق الدكرور

وأكد أن "زيادة الوعي والإدراك يكون في عمل مدارس جديدة ورفع كفاءة طرق وعمل بنية تحتية ورفع كفاءة مراكز شباب".

وعقب: "لكن كذلك، نحتاج يكون لدينا نادي في بولاق الدكرور وهسعى لده وإن شاء الله نحققه ويكون عندنا نادي اجتماعي رياضي ثقافي لخدمة 3 مليون مواطن".