رئيس مجلس إدارة شركة قطونيل: أول مليون عملته سنة 2003 بعد 4 سنين من بدء المصنع

تحدث باسل سماقية رئيس مجلس إدارة شركة قطونيل، عن أول مليون جنيه استطاع جمعها، وعن كيف تحولت شركته من مصنع صغير إلى علامة معروفة في صناعة الملابس الداخلية في مصر.

«رحلة المليار».. لميس الحديدي تفتح الصندوق الأسود لقصص النجاح الملهمة في رمضان

عزة فهمي لـ"لميس الحديدي": لسه بعمل اللارنج الملفوف زي جدتي

لما بدأنا كان كله بيلبس الأبيض في الأبيض.. قلت ليه منصنعش ألوان

وأضاف باسل سماقية رئيس مجلس إدارة شركة قطونيل، في لقاء مع الإعلامية لميس الحديدي مقدمة برنامج "رحلة المليار"، عبر قناة "النهار": "أول مليون عملته سنة 2003، يعني بعد المصنع ما بدأ بـ4 سنين تقريباً. قبل كده كان يا دوب بتشيل نفسها، وبعدين انطلقنا، وهي الحاجة اللي إحنا أخدناها ناحية تطوير صناعة الملابس، إننا لما بدأنا كان كله بيلبس الأبيض في الأبيض، فقلت ليه منصنعش ألوان؟ ودي كانت النطة الكبيرة".

تصنيع الملابس الداخلية "ألوان" كانت القفزة الكبيرة في “قطونيل”

وعن سبب تسمية شركته بـ"قطونيل"، أوضح باسل سماقية رئيس مجلس إدارة شركة قطونيل، أن : "كنا بنحط أسامي لغاية ما وصلنا لقطن النيل، فجت قطونيل.. القطن بيتكلم مصري؟ دي السلوجان، أنا بعرف أعمل سلوجانات وبحب أعمل كده وبساعد أصحابي في الإعلانات".

كنا بنحط أسامي لغاية ما وصلنا لقطن النيل فجت قطونيل

وأشار باسل سماقية رئيس مجلس إدارة شركة قطونيل، إلى قوة تأثير الإعلانات في السوق: "في الإعلانات ده أنتِ بتتكلمي عن منتج بره بيعملوا جدل أكتر بكتير، إحنا هنا بنعتبر متحفظين. فاكرة إعلان ابن الجيران؟ ظهر يومين عمل تأثير أكتر ما يظهر شهر كامل.. أنت خسرت فيه كتير؟ بالعكس، ده دخل عليه 28 مليون مشاهدة على السوشيال ميديا بعد ما اتوقف".

إعلان "ابن الجيران" رغم الجدل وصل 28 مليون مشاهدة على السوشيال ميديا قبل ما يتشال

وأكد باسل سماقية رئيس مجلس إدارة شركة قطونيل، أن سر النجاح يكمن في الابتكار والقدرة على جذب الانتباه بطريقة ذكية: "إحنا بنحب نطور، بنحب نجرّب، وده اللي بيخلي قطونيل علامة لها حضور في ذهن المستهلك".