عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

سبعينية في قضية نفقة على ولادها: بيضربوني ومرضيوش يساعدوني وباكل عيش معفن

الأم
الأم

«ولادي عايزين يرموني في الشارع بعد ما كبرتهم وربيتهم وعلمتهم أحسن تعليم منهم المهندس والضابط ».. تلك كلمات السيدة السبعينية وهى تحتروي مأساتها مع ولادها بعد رحيل زوجها إلى تحيا مصر أثناء تواجدها في محكمة الأسرة.

تربية الأبناء

وتقول السيدة السبعينة: "أنا عندي خمس عيال، مهندس ميكانيكا وضابط شرطة ومهندس تكيفات وعيالي بعد وفاة أبوهم مبيسألوش عليا ولا كأني موجودة في حياتهم وكأني ميتة بالنسبالهم، وبعد مدة ولادي بدأوا يضربوني علشان ياخدوا الشقة مني ويطردوني أنا وابني الصغير الذى عمره 35 سنة في  الشارع علشان يبيعوا الشقة ويتخلصوا مني".

ولادي مبهدلاني

وتضيف والدة السيدة: "ولادي دول هما اللى مبهدلاني وسط الناس وبيضربوني علشان يموتني وياخدوا عقد إيجار الشقة ويبيعوا الشقة، على الرغم أن أكبر ولادي يبلغ من العمر 53 سنة وبيحرض أخواته الثلاث على أن مقاطعتي، من يوم وفاة أبوهم وأنا معرفش عنهم حاجه".

" src="">

مفيش معاش

وتستكمل: "أنا أصرف منين بعد وفاة أبوهم على ابنى الصغير المريض، وزوجي توفي وحتى معاشه مش موجود، وأنا طلبت منهم فلوس رفضوا، فرفعت دعوى نفقة على عيالي وأخذت 200 جنيها ومش عارفه أعمل بيهم أيه، وأنا كل يوم بشوف ابني الصغير المريض في العمود الفقري وهو بيتصل بأخوه وبيطلب منه فلوس، فأخوه قالوا أنت عاوزين أساعدكوا أنا لو هطول أموتك أنت وأمك زى ما مات أبويا هموتكوا".

مقاطعين والدهم من 20 سنة

وتضيف السيدة السبعينية: "زوجي قبل ما يتوفي طلب يشوف العيال علشان وا مقاطعينه 20 سنة وكانوا بيضربوه، ولما اتأكدوا إنه هيموت أّخذوه للمستشفي الساحل ورفضوا يأخذوني معاهم وقالوا للدكتور مراته متوفيه ومعندوش حد غيرنا ولما روحت أشوفه وأكلمه، أمن المستشفي قبض عليا كأنى مجرمة علشان عاوزة أشوفه وفضلت أحكى للدكتور لغاية ما الدكتور سمح أشوفه وتلك كانت لحظات قبل الموت وتوفي زوجي وتركني وسط هؤلاء الأبناء العاقين بوالديهم".

ولادي حوجني للغريب

وتستكمل: "أنا مطلبتش حاجة من عيالي غير أنهم يسألوا علينا ويصرفوا علينا، على الرغم أنى محتاجه لوجودهم وهم كل همهم إنى أتوفي وأموت ويأخدوا الشقة على الرغم أن ولادي مليادريرات ولديهم أموال كثيرة ويقدروا يصرفوا عليا وعلى ابني المريض، وأنا كرهت ولادي اللى حوجني للغريب وهما موجودين وأنا عمري 76 سنة ومبقدرش أعمل حاجه وحتى الشغل غير قادرة على فعله، ليه ولادي عملوا فيا كده على الرغم أنهم كانوا كل حاجه بالنسبالي".

تابع موقع تحيا مصر علي