عاجل
الجمعة 12 أغسطس 2022 الموافق 14 محرم 1444
رئيس التحرير
عمرو الديب

زوجة في قضية خلع:جوزي كل همه العلاقة الجنسية وبنتنا هربت من بخله

زوجة في محكمة الأسرة
زوجة في محكمة الأسرة

«جوزي بيصالحني علشان مصلحته وراني يوم عمري ما تخيلت إنه يعدى»..  زوجة تروي بهذه الكلمات لـ تحيا مصر مشاكلها مع زوجها.

فتقول أم أحمد البالغة من العمر 40 عاماً: "أنا أتجوزت وعمري 14 سنة منذ 24 سنة فاتوا، وجوزي عمره 55 سنة وشغال سواق وعندي 6 أولاد 3 منهم ذكور و3 بنات، وحياتنا كانت مستقرة وهادية ولكن بعد فترة من الجواز الحال إتغير رأسا على عقب".

عدم الإنفاق على البيت

وتضيف أم أحمد:" جوزي أصبح لا يصرف على البيت وكل هدفه في الحياة إنه يشتغل ويصرف على نفسه ولا يسأل على أولاده، فمصاريف جوزي كلها على بطنه، وكل هدفه إنه ينام ويصحى يشتغل واللي بيشتغل بيهم ينفقهم على نفسه وينسى إنه وراه أسرة تحتاج لمصاريف".

جوزي كل همه الجنس والأكل بس

وتحكى أم أحمد: "جوزي كل همه في البيت معانا إنه يمارس العلاقة الجنسية وغير كده لايهتم، وحتى أسلوبه ومبادئه كلها أنانية، وفي مرة طردني من الشقة والموقف ده عمري ما أنساه منه، والمصيبة الكبيرة بعد كده إن بنتنا الكبيرة بعد ما طردني هربت من البيت بسبب أفعاله ووقتها اتصل بيا وقالي ما حدث وفضلنا ندور عليها يوم كامل ومنعرفش هي فين، لغاية ما اتصلت عمتها في اليوم الثاني وقالتلنا إنها عندها".

لا يمكن أن أخسر ولادي

وتستكمل السيدة الأربعينية: "أنا ممكن أخسر كل شئ ولكن لا يمكن أن أخسر ولادي بعد طول فترة الزواج، وقتها أخدت ولادي وروحت عشت مع والدتي في بيتها وأنا أعمل في مستشفي بالقاهرة الجديدة حتى أستطيع الصرف عليهم".

جوزت بنتين من بناتي

وتابعت:" أنا بشغلي قدرت أجوز بنتين وأبوهم لم يشارك في أي شىء من جهازهم غير في كتب الكتاب ولم يشتري لواحدة منهم شىء، وأنا مرفعتش عليه قضية نفقة لقلة حيلتي في الحصول على مصاريف من ذلك الزوج المتهور".

وتضيف: "أنا رفعت دعوى خلع علشان أخلص منه ومن أفعاله حتى لا يكون هناك طريقة لعودته مرة آخرى وما فعلته اعترضت عليه أختي وأمى ولكن هم لا يعملون أني عانيت قد أيه معاه والعيشة المرة والبخل والشح اللى معيشنا فيه أنا وولادي".

تابع موقع تحيا مصر علي