عاجل
الثلاثاء 16 أغسطس 2022 الموافق 18 محرم 1444
رئيس التحرير
عمرو الديب

عجوز في قضية خلع بعد 62 زواج:جوزي شقي وبيحب الستات زي عنيه

سيدة في محكمة الاسرة
سيدة في محكمة الاسرة

«جوزي رجل عجوز بس هو مش بيسيب واحدة تمشي من قدامه غير لما يبص عليها ولا يراعي شعوري».. تلك كلمات الزوجة مي وهى تحكى قصتها لـ تحيا مصر مع زوجها.

فتقول مي التي تبلغ من العمر 87 سنة: "أنا أتجوزت منذ 62 سنة وهو على المعاش وعمره 92 سنة وعندي 3 أبناء وإتجوزوا جميعا وعندي منهم أحفاد، وقضيت كل عمري مع جوزي بحلوه ومره معاه.

وتضيف السيدة العجوز: جوزي فيه عيب من ساعة ما أتجوزته وهو شقي ومستحيل يشوف واحده وما يبصش عليها حتى لو كانت متستهلش أصلا النظرة، وده مخليني دايما أكون في نص هدومي أمام الناس، كنا مرة خارجين وجوزي لقيته واحنا في النادي واقف مع واحدة من سيدات النادي.

وتضيف الزوجة مي: "أنا لازم وأنا مع جوزي أفضل طول الطريق بخلي بالي منه وتصرفاته حتى لا يهرب مني ويتركني، وأنا مستحيل أسيبه لواحده غيري ده عشرة عمر، واحنا مع بعض من وقت ما كنت بعمل شعري بضفيرة وبعد كده بفرده وأبيض شعري وأنا معاه وجالي الأمراض وهو سندي، فإزاي واحدة تانية تيجي تاخده مني".

وتستكمل مي: "كل أحلامي من وقت ما أتجوزت أن يكون عندي أولاد منه هو وأقضي كل حياتي معاه وعارفه أن جوزي شقي قبل أن ما نتجوز فهو حب الطفولة والشباب والكهولة، ولكنه دائما ما يغضبني بس لهفته في مساعدته للجنس اللطيف عن الأشخاص الآخرين".

وتقول مي: أنا كل أمنياتي مع جوزي يعمل حساب واهتمام ليا ويحترم سنه وإنه جد عجوز ويجب أن يكون قدوة واحنا في النادي وأمام أحفاده، يفعل تلك الأفعال والأبشع أنه جذاب ويلفت نظر الفتيات بسبب ضكته وغمزته الذى تجذب انتباه أي شخص".

وتختتم كلامها: "أنا قررت إنى أريح أعصابي وقلقي وأسيبه يعيش لوحده ويظل بطريقته دي، ودايما بيحب يساعد الستات وبيجرحنى وهو دايما شقي ومستحيل يتوب عن كده ورفعت دعوى خلع عليه ومقولتلوش علشان لو كلمني هتراجع عن رفع الدعوى وهتأثر بيه وحتى الأولاد مقولتش ليهم عن الدعوى أي حاجة".

تابع موقع تحيا مصر علي