عاجل
الثلاثاء 04 أكتوبر 2022 الموافق 08 ربيع الأول 1444
رئيس التحرير
عمرو الديب

تامر حسني يقترح مشروع لمساعدة مرضى ضمور العضلات

تامر حسني
تامر حسني

حث النجم تامر حسني جمهوره ومتابعيه على التبرع لمرضى ضمور العضلات ولو بملبغ بسيط، وطالب بتصميم تطبيق تحت رعاية الدولة باسم "المليون أخ" لتسهيل عملية التبرع.

تحيا مصر يرصد تفاصيل اقتراح تامر حسني لمساعدة مرضى ضمور العضلات

حيث كتب تامر حسني عبر حسابها الشخصى على موقع التواصل الاجتماعي "إنستجرام": "يا جماعة مرض ضمور العضلات منتشر جدًا في عصرنا دا ربنا يعافي الجميع، تخيلوا لو 30 مليون واحد بس من عدد سكان بلدنا العظيمة لو دفع جنيه بس هيساهم في إحياء طفلة في لحظة واحدة، طفلة بتتعذب هي وأهلها".

وتابع تامر حسني: " أمنية حياتي والله العظيم دلوقتي يتعمل ابليكشن تحت رعاية الدولة وتتسمى المليون أخ وتبقى على تليفونات الناس هتتبرع، مليون واحد هتجيلهم رسالة حسب خطورة المرض ونوعه وتكلفته العامة والمطلوب منه، وفيه سيستم يقدر يدخل بنفسه يشوف اسمه وتبرعه راح فين وأن المريض اتعالج خلاص وتجيله رسالة شكرا صدقتك أحيت نفس بل أسرة كاملة.

تامر حسني يقدم الدعم لمرضى ضمور العضلات

وأكد تامر حسني على أنه على استعداد تام لدعم أي فكرة أو مشروع تتبنى مساعدة مرضى ضمور العضلات، حيث أضاف في منشوره: "أنا كفنان جاهز لأي جهة هتتبنى الفكرة دي أني أكون داعم ليها ومعلن عنها لو الجهة محتاجة ليا شخصيا أو لصوتي إنشالله أنزل ألم التبرعات بنفسي وأخبط على بيت بيت ودا لوجه الله ولخدمة شعبنا وأهالينا المحتاجين".

وتابع: “اللي هيشترك مرة هيدفع ١٠ جنيه.. مرة خمسة.. مرة ٣٠ أقصى حاجة ٤٠ جنيه لان حقنة علاج المرض دا ب ٤٠ مليون و دي أغلى حاجة تخيلوا لما ب ٤٠ جنيه بس تنقذ روح بني آدم يعني هتدفع صدقة وهتنقذ روح وأنت في بيتك والصدقة فيها أجر عظيم تحمي نفسك بيها تحمي ولادك وكل اللي بتحبهم وتبقى صدقة جارية في كل حياتك.. قيمة الصدقة عند ربنا كبيرة أوي أوي فوق ما تتخيلوا يا جماعة متتخيلوش بتشيل عننا حاجات صعبة قد ايه لو عرفناها هنبكي فرحاً من رحمة ربنا يارب حد يسمعني.. وكدا باذن الله مش هيكون في مريض محتاج.. ولو عندنا مشاكل كتير في مجتمعنا آدينا بوحدتنا و بحبنا لبعض بنشيل مشكله منه”.

تابع موقع تحيا مصر علي