عاجل
الخميس 28 مارس 2024 الموافق 18 رمضان 1445
رئيس التحرير
عمرو الديب

تامر حسني بعد زيارته لـ مستشفى الناس: “اللي شوفته هناك يخليني ادعيلهم وأطلب منكم تدعولهم”

تامر حسني
تامر حسني

كشف الفنان تامر حسني عن زيارته لـ مستشفى الناس تزامنا مع اليوم العالمي للقلب، معربا عن سعادته بالمستشفى والعاملين بها وتصريفاتهم مع الأطفال في المستشفى.

تحيا مصر يرصد في ذلك التقرير تعليق تامر حسني على زيارته لـ مستشفى القلب

تامر حسني يعرب عن سعادته بـ زيارته لـ مستشفى القلب

كتب تامر حسني عبر صفحته الرسمية بموقع تبادل الصور والفيديوهات انستجرام: “النهارده في يوم القلب العالمي زورت مستشفى الناس بشكل مفاجئ في احتفالهم و حاولت احتفل بطريقتي و اهزر معاهم في سماعات المستشفى بس عرفوا صوتي على طول قبل ما ادخل”.

تامر حسني عن مستشفى الناس: “أعظم و مستشفيات العالم”

وتابع: “المهم ان اللي شوفته هناك يخليني فعلاً ادعيلهم و اطلب منكم تدعولهم و اللي يقدر يقدملهم اي شيء من الدعم ياريت ميتأخرش ، بشكرهم على المجهود العظيم اللي عاملينه للاطفال و لكل الناس، حقيقي انا شوفت مستشفى من اعظم و مستشفيات العالم و فخور ان مصر فيها المستشفى دي و شوفت رحمه كبيره من كل الدكاتره على الاطفال رحمة الأب و الأم من كل العاملين في المستشفى بكل طفل و كل انسان بيتعالج هناك بالمجان”.

واختتم حديثه، قائلا: “كل التحية  لدكاترتنا الأبطال اللي واهبين حياتهم لاطفالنا و اهالينا ربنا يشفي كل مريض، آمين يااااااارب ”.

اخر أعمال تامر حسني

من ناحية اخرى، كانت أخر أعمال الفنان تامر حسني، اغنيته الشهيرة “حياتنا”، التي طرحها مؤخرا على طريقة الفيديو كليب، وكانت من ضمن أغنيات فيلمه الأخير بحبك، والتي أتت كلماتها: في حب يعجزك بدري حب يموتك جواك و إيد تتمد تمسكها تغمي عينيك تقوم خانقاك في وش يبان ملاك طيب في ضهرك يتقلب إبليس في حد بتشتريه غالي و هو قصاد مرايته رخيص و هو قصاد مرايته رخيص !… حياتنا عباره عن أشخاص ما بين غاليين و حبه رخاص في ناس بتزود الواحد  و ناس عايشه بتاخد و خلاص ما بين الصح والمفروض بنتعود على المرفوض في كام واحد في تعبك غاب و كام واحد فضل موجود .. في حلم بيختفي و يمشي و وقت بيتسرق ببلاش في واحد عاش و مافهمش و واحد عمره لحظه ما عاش بنجري في دايره مقفوله و أهي قلوبنا إتهرت تعليم و مين ضامن يعيش توهه و يخرج منها قلبه سليم.. حياتنا عباره عن أشخاص ما بين غاليين و حبه رخاص في ناس بتزود الواحد  و ناس عايشه بتاخد و خلاص ما بين الصح و المفروض  بنتعود على المرفوض في كام واحد في تعبك غاب و كام واحد فضل موجود .. في حب يعجزك بدري
حب يموتك جواك و إيد تتمد تمسكها تغمي عينيك تقوم خانقاك في وش يبان ملاك طيب في ضهرك يتقلب إبليس في حد بتشتريه غالي و هو قصاد مرايته رخيص و هو قصاد مرايته رخيص !.. حياتنا عباره عن أشخاص ما بين غاليين و حبه رخاص في ناس بتزود الواحد  و ناس عايشه بتاخد و خلاص ما بين الصح و المفروض  بنتعود على المرفوض في كام واحد في تعبك غاب و كام واحد فضل موجود".

تابع موقع تحيا مصر علي