هدى عمار: نصر محروس عرض عليا أغني شعبي ورفضت وكان بيعطل الأغاني بتاعتي

كشفت الفنانة هدى عمار عن سبب ابتعادها عن المجال الفني خلال الفترة السابقة، وتحدثت عن الشائعات التي تطاردها دائمًا بشأن أعتزالها و ارتدائها الحجاب.

تحيا مصر يرصد لكم تصريحات الفنانة هدى عمار

وقالت هدى عمار خلال لقائها في برنامج كلام الناس الذي تقدمه الإعلامية ياسمين عز عبر قناة أم بي سي مصر: في أسباب أكيد بتؤدي أن الفنان يبعد ويتوقف شوية  ويتعطل والسبب إني كنت متعاقدة مع شركة لنصر محروس وللأسف اتعلطت لمدة تلت سنين لو الحياة ممشيتش  زي ما أنا كنت متوقعة. 

وتابعت:  وكمان كان السبب في توقفي وبعدي عن الفن هو انشغالي في حياتي الشخصية وأحيانا حياتي كانت محتاجه اركز في حياتي.

وأضافت: أنا مش مختفية ولا حاجة وفي كلام بيتقال  ومعرفش مين اللي بيقوله إني أعتزلت  وسافرت ألمانيا وأن جوزي مش عايزني أشتغل  رغم إني حاليًا مُطلقه، وحاجات كتير.

وكشفت: اللي  حصل قبل خلافي مع نصر محروس إني سجلت 4 أغنيات لكن وقفنا وكنت بكلم نصر وأقوله هنعمل ايه وهو مش بيقولي والحياة بتعدي وأنا متعطلة، ولما عملنا الأغاني عجبتني وكانت من كلمات بهاء الدين محمد وألحان  من أكتر وبدأ يبقى فيه سكة تانية إنهي أعمل أغاني مختلفة.

هدى عمار: رفضت أغني لون مش لوني

واستكملت:أنا بحب الغنا وبحترمه جدًا ومش هعمل حاجة مش حباها بغض النظر عن دوافع الأغنية ورفضت أغني لون مش لوني، ودلوقتي أنا لوحدي مش مع شركة وأقدر أقدم إي أغاني براحتي

وقالت: في شائعات كتير إني اتحجبت وأنا عمري ما فكرت في الحجاب ، وساعات بكون مسافرة ألمانيا لأخويا زيارة ويكلمني حد بالصدفة وأنا رايحة المطار ويقولي في حفلة وأنا أقوله أنا في ألمانيا ويبدأ ينشر الخبر ويقول إني قاعدة في ألمانيا.

وقالت: مش بحب أظهر وخلاص ولازم أظهر لسبب مش مجرد ظهور في أي حاجة وخلاص عشان كده بيتقال إني مختفية وأنا موهبتي ودراستي المزيكا وانا في البيت بسمع المزيكا  ومش عشان الموضة مزيكا معينة يبقى أغنيها أنا بسمع اللي بيعجبني وكل واحد يسمع اللي هو عايزة.

هدى عمار: رفضت أغني شعبي 

واستكملت:مفيش مشكلة أعمل أغاني خفيفة ودمها لذيذ وبتاعت العصر وتواكب الشباب الصغير هعملها لكن عمري ما أعمل الشعبي، ونصر محروس عرض عليا أغني شعبي وأنا رفضت ومحبتش النوع ده.