عاجل
الثلاثاء 31 يناير 2023 الموافق 09 رجب 1444
رئيس التحرير
عمرو الديب

وفاء سالم عن تعرضها للإكتئاب: بسبب قعادي لوحدي وابني بقى مستقل عني

وفاء سالم
وفاء سالم

تحدثت الفنانة وفاء سالم عن تجربة الإكتئاب في حياتها وأسبابه الرئيسية، وذلك خلال حوارها ببرنامج كلمة أخيرة مع الإعلامية لميس الحديدي.

تحيا مصر يرصد لكم تصريحات وفاء سالم عن الإكتئاب مع لميس الحديدي 

وقالت سالم عن بداية فترة الإكتئاب في حايتها: مبلاقيش نفسي في الحاجات اللي بعملها، وكأن كل اللي بتعمل بيبقى ربع حاجة ووصلت لمرحلة اني قولت مش مهم اشتغل، وفي مثل بيقول لا تضع البيت في سلة واحدة وكانت سلة الشغل، وبعدين تصالحت اني افترض الشغل ده خلص واتقفل عليه صندوق واترمى ومش لازم ازعل نفسي.

وتابعت: الاعمال اللي عملتها مكنش متوفر فيها العناصر اللي اتوفرت في اللي قبله، وقلة الخبرة بتخلي الواحد يعمل حاجات مش راضي عنها، وبقيت اشتغل قليل، وبدأت اكتئب لما شغلي بقى ياخدني وينزل بغض النظر عن الفترة الأخيرة اللي مكنتش مبسوطة بوشي فيها، وبقول لنفسي على ايه.

وفاء سالم عن مرحلة قبل علاج الإكتئاب

وأضافت وفاء سالم عن مرحلة قبل العلاج: قبل العلاج وصلت لمرحلة اني مش قادرة اتحكم، وبيبجلي بانيك اتاك باستمرار مش تحت السيطرة خالص، لحد ما فقرت السيطرة خالص، وبسبب قعادي لوحدي وخلاص ادهم بقى له حياة واختيارات خاصة ومش لازم نخطط لاولادنا، ودي كانت من اخطائي وكان بيوافقني ويقولي اه بس هو من حقه يعيش الحياة اللي فيها جناحات ويطير، وبقيت لا شغلي عجبني ولا ابني عشان قرر الاستقلال، زي اغلب الجيل اللي بيحب يبقى ليه حياة خاصة، وكنت متخيلة ادهم هيملى عليا البيت ويتجوز ويخلف، وانفصالي عن جوزي كان لما ادهم عنده 4 سنين.

وفاء سالم: مش لازم نخطط لأولادنا 

واختتمت: والفكرة اني كنت متعلقة بأدهم، وهو بيداري ويخبي والكلام موجود في العنين، طب انت بتحبني؟ وحصلت بيننا مواجهه كانت بالنسبالي حطيت رجليا على الأرض وبدأت اقبل الواقع والاقي لنفسي خروج من حالة القفلة على نفسي، والاقي حاجات انا بحبها، غير اللي كنت قافلة دماغي عليها، وبتسعدني، وعندي 32 قطة في الجنينة، وقطة واحدة في يوم كنت في البلكونة عند جارتي وسمعت قطة بتنونو وصغيرة أوي وكانت جعانة ف خدتها وجبتلها لبن وببرونة عشان ارضعها بس هي شرسة وبتخربش.

تابع موقع تحيا مصر علي