زوج : مراتي خلعتني بسبب أحتياجاتها الجنسية وبتقولي أنت بتسافر كتير ومش بتشبعلي رغباتي

" بتقولي أنا بقيت بحسد صاحباتي بسببك عشان رجالتهم معاهم وأنا عاملة زي اللي متجوزة علي الورق " بتلك الكلمات روي زوج لتحيا مصر داخل محكمة الأسرة عن زوجته التي قامت بالأستغناء عنه ورفع دعوي خلع بسبب عدم تواجده معها وعدم إشباعه لرغباتها الجنسية بسبب غيابه بالشهور لعمله بالخارج .

سافرت بعد جوازنا بشهرين 

بدأ الزوج حديثه لتحيا مصر :" أنا ومراتي متجوزين من 3 سنين وهي تبقي أصغر مني بـ12 سنة بعد جوازنا بشهرين جالي عقد شغل في الكويت ومكنش هينفع أرفضه ولا هينفع أخدها معايا بس وعدتها أني هاجيلها أجازة كل شهر وألتزمت بده أول سنة لكن بعد كدة بقيت أخد أجازة لمصر كل فين وفين وده كان بيضايقها جدا وبيخليها تشتكيني لأهلي ولأهلها بس الناس كلها كانوا بيقولولها هو اكيد غصب عنه لأنه بيشقي عشانك وعشان يعيشك أحسن عيشة ".

طعنت شقيقتها وخنقت الثانية.. تفاصيل مؤلمة في جريمة قاصر الجيزة

أبشع جرائم 2022.. إعترافات قاتلة أمها في بورسعيد: طلبت نطق الشهادة دلقت عليها الماء المغلي

بتقولي أنا حاسة أني مش متجوزة وبحسد صحابى بسببك 

وتابع الزوج :" في الوقت ده كنت في اول أجازة أخدها أرجع الاقي مراتي بتعاملني اوحش معاملة و بعد محاولات كتير أفهم مالها لقيتها بتطلب الطلاق أتصدمت وحسيت بوجع من طلبها وخصوصا لما عرفت أسبابها بعد ما قالتلي " أنا ليا احتياجات جنسية زي اي ست ومن حقي أحس أني عايشة مع راجل بيشبعلي الأحتياج ده وبيحتويني لكن أنت بشوفك كل فين وفين ومش طالعلي منك غير فلوس اللي بتبعتهالي كل شهر وخلاص "  ومش بس كدة دي كمان قالتلي " أنا بقيت بحسد صاحباتي بسببك عشان رجالتهم معاهم لكن أنا عاملة زي اللي متجوزة علي الورق " سمعت الكلام اللي هي قالته ومبقيتش عارف أرد أقول أية كل اللي قدرت أقوله " أنا بشقي ومتغرب في بلاد برة عشان أخليكي مش محتاجة حاجة ويبقي هو ده تقديرك ليا ؟" لكن فضل اللي في دماغها في دماغها ".

خلعتني وأنا مسافر وعرفت من أمي وكانت بتاخد فلوسي عادي 

واختتم حديثه :" من شهر أتصلت بيا والدتي وقالتلي أنها عرفت أن مراتي رفعت عليا دعوي خلع في المحكمة وأنا معرفش وكانت علي مدار الفترة دي كلها بتاخد الفلوس اللي ببعتهالها اول بأول وبتصرفهم علي نفسها وأمي وقتها طلبت مني أني مبعتلهاش حاجة تاني لأنها طلعت واحدة معندهاش أصل ولا ضمير ودلوقتي أنا رجعت مصر اجازة وبحضر جلسات الخلع وأنا حاسس بكسرة وقهرة أن الست اللي عملت عشانها كل ده تطلع في الاخر بالندالة دي حسبي الله ونعم الوكيل ".