عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

مبروك لاجمل لامبتين في مصر.. تامر حسني يهنيء نور بدر ونور إيهاب بخطوبتهم

تامر حسني
تامر حسني

حرص الفنان تامر حسني على تهنئة كلًا من الفنان الشاب نور طارق والفنانة نور إيهاب، بحفل خطوبتهم، وذلك عبر حسابه بانستجرام. 

تحيا مصر يرصد لكم تهنئة تامر حسني لـ نور إيهاب ونور طارق 

تامر حسني: مبروك لأجمل لامبتين في مصر

وكتب نجم الجيل عبر خاصية ستوري: أحلى حاجة إن أغنية يا نور عيني هتبقى اتغنت بأساميكوا انتوا الاتنين. 

وتابع: احلى نور ونور في الدنيا مبروك لأحدث وأجمل لامبتين في مصر، ربنا يحفظم يا حبايب قلبي. 

تامر حسني ينصح جمهوره

وكان قد حرص تامر حسني على توجيه نصيحة لجمهوره بخصوص تأثير الكلمة الطيبة على الإنسان، مستعينًا بمشهد من فيلمه “مش أنا”، وذلك من خلال منشور له عبر حساباته الشخصية على مواقع التواصل الاجتماعي المختلفة.

حيث نشر تامر حسني مشهد من فيلم “مش أنا”، وعلق عليه قائلًا: “مساء العسليات عالكل المشهد ده فيه رسالة جميلة احياناً ممكن يبقى ليك صديق أو ليكي صديقة مريضة أو تعبانة أو في حاجة فيها بتضايقها نحاول أن احنا عمرنا ما نسخر من حاجة في حد هو ملوش ذنب فيها خلقة ربنا”.

وتابع: “أو ابتلاء لان الشخص دا اصلاً نفسياً مع نفسه اللي فيه مكفيه لو كان ربنا كاتب أن احنا اللي نبقى حواليه فاكيد عشان نشجعه ومايقفش عند الموضوع دا ويعرف أن في ناس عندها أكتر منه حجات لا تحتمل و قدروا مايشوفوش غير كل ما هو إيجابي وعرفوا يتصالحوا مع نفسهم ويبقى عندهم رضى من الدرجه الأولى ويحمدوا ربنا على ده ويفهموا أنه ابتلاء أو اختيار ايه مكاسب أكبر وأكتر من اللي معندوش”.

تامر حسني: الكلمة الحلوة ممكن تساهم في أن شخص ينجح

وأضاف: “الشاطر بس اللي يفهم كده ودا دور الأصحاب الطيبين اللي ربنا ممكن يجازيهم خير مكانوش يحلموا بيه بسبب الدعم النفسي لغيرهم بسبب الكلمة الحلوة وطبعاً هنا الأستاذ ماجد بيمثل مشهد إنما هو من أطيب وأنضف القلوب”.

واختتم منشوره قائلًا: “والله يا جماعة الكلمة الحلوة ممكن تساهم في أن شخص ينجح وأن شخص يفشل الكلمة الحلوة ممكن تدي أمل عظيم للحياة.. تخيلوا الرصاصة بتموت شخص لكن الكلمة السامة المحبطة اللي ممكن تلوث فكر وتبوظ عقل جميل ممكن تموت أجيال.. ويومكم جميل إن شاء الله”.

تابع موقع تحيا مصر علي