طيارة تودع 2022 بـ أغنية سنة بينا عدت ليوسف اسماعيل| فيديو

ودعت شركة طيارة عام 2022 بطريقتها الخاصة، وذلك من خلال إطلاق أغنية سنة بينا عدت، من غناء يوسف اسماعيل وتاليف أحمد الروبى وتوزيع هاني ربيع.

تحيا مصر يرصد في ذلك التقرير تفاصيل أغنية طيارة الجديدة لـ 2022

أغنية طيارة لـ عام 2022

وأتت أغنية سنة بينا عدت، بعد النجاح الساحق التي حققته شركة “طيارة” بـ إطلاق أغنية سنة بنودعها منذ أعوام قليلة، وحازت على ردود فعل إيجابية من قبل الجمهور، واشادات عريمة برقصاتها والفيديو كليل الخاص بها.

كلمات أغنية سنة بينا عدت

وتقول كلمات اغنية سنة بينا عدت: سنة بينا كده عدت واتقضت و خلصنا كفاية كده دي اتعشت كده فرطت ولبسنا لا كاس عالم شفنا يدوب سلمنا و روحنا وطريق الساحل دوخنا و توهنا وشيرين وحسام مطلعش تمام وصدقنا اام رجعت تاني اه منك ياني ما خلصنا كلنا شكينا ايوة في بعضينا صحاب ولا اعز مين اللي عملها لا دي ريحة دي ريحة الايكوس سنة بينا عدت سنة حلوة سنة حلوة ب مرها ويارب الجاية تكون احلى ولذيذة نحبها ارقصوا بقى غنوا واتهنوا بالباقي بقى منها ايوة دي سنة عدت سنة حلوة سنة حلوة بمرها وامينة شلباية عملتها معايا بفن الاتيكيت مانا طول عمري باكل بايديا يعني كده  اتربيت والجنيه عام والملكة اتوفت وهنعمل ايه يوبين كيرة تتش هيوبو مساكن شيراتون مكنش طبق كشري ولا انتش واجري ما كفاية صلاح جدد عقده ويجز و بخته ده حكاية عشرة جنيه جديدة وازمة شديدة دولار مبيثبتش ومايوه هادية وحرب اوكرانيا وروسيا ده فيها عكش والسعودية قاموا رقصوا التانجو وفرحنا وايمي تاتو لا بجد شابوه هتفضحنا انا هستأذنكم انا بكرة اقابلكم بقى كده في الميتافيرس مبروك يا زمالك خده دوري و بعديها خدو كاس سنة بينا عدت سنة حلوة سنة حلوة ب مرها ويارب الجاية تكون احلى ولذيذة نحبها ارقصوا بقى غنوا واتهنوا بالباقي بقى منها ايوة دي سنةع عدت سنة حلوة سنة حلوة بمرها طب ما تمشيها غنا بس ونبي يا احمد سعد نكتة ورا نكتة طب براحة مش كله ورا بعض يا رجالة اتبسطوا مفيش قايمة جوازة سهلة بس ابقى قابلني لو عرفت تجيب شبكة وشيرين وحسام لا لسه تمام حبيت اطمنكم منتخب المغرب اللي مشرفنا اسود من يومكم وشاكيرا  سينجل وانا حظي مأندل ايوة بقولهالكم ويا سنة حلوة خليكي حلوة واخلصي بقى ونبي سنة بينا عدت سنة حلوة سنة حلوة ب مرها ويارب الجاية تكون احلى ولذيذة نحبها ارقصوا بقى غنوا واتهنوا بالباقي بقى منها ايوة دي سنةع عدت سنة حلوة سنة حلوة بمرها.

نجاحات شركة طيارة

وسبق وأن احتفلت النجمة هند صبري وشركة طيارة بنجاح أغنية «سقف الحلاوة » التي أطلقوها مؤخرا للفنان أحمد الروبي، وذلك في مدينة الساحل الشمالي  بحضور النجمة هند صبري ومحمد البسيوني ورامز يوسف شركائها في طيارة، وشهد الإحتفال حضور المغني أحمد الروبي والفنانة هبة الدسوقي التي ظهرت كموديل في الفيديو كليب الخاص بالأغنية.