عمر شريف يوجه رسالة شكر لـ شاكر خضير: دايما كان بيبقي مبتسم في وشي وده خلاني متحمس

حرص الفنان الصاعد عمر شريف، طفل مسلسل تحت الوصاية، على توجيه رسالة شكر للمخرج محمد شاكر خضير، بعد تعاونهما في مسلسل تحت الوصاية.

تحيا مصر يرصد تفاصيل أحدث منشورات عمر شريف عبر فيسبوك

رسالة عمر شريف لـ محمد شاكر خضير

وكتب عمر شريف عبر حسابه الشخصي على موقع التواصل الاجتماعي فيسبوك: بمناسبة نهاية مسلسل تحت الوصاية و أول مشاركة ليا في مسلسلات رمضان، مبسوط أوي أني كنت جزء من عمل كبير حقق الحمد لله نجاح كبير، حابب أشكر المخرج الكبير استاذ محمد شاكر خضير.

وتابع: اللي اختارني للدور وكان بيعاملني كأصحاب مش كمخرج وممثل و دايما كان بيقعد معايا في كل مشهد يعرفني أعمله ازاي ومطلوب مني إيه بالظبط ودايما كان بيبقي مبتسم في وشي وده خلاني دايما متحمس، وبجد بشكره أنه قدمني بشكل مختلف و طلع مني حاجات انا مكنتش اعرف أني ممكن أعملها وده أكيد هيفرق معايا جدا في مسيرتي الفنية اللي لسه في بدايتها.

رسالة الطفل عمر الشريف للنجمة منى زكي

وسبق وأن وجه الطفل عمر شريف رسالة شكر للنجمة منى زكي بعد مشاركته معها في مسلسل «تحت الوصاية» الذي عُرض في السباق الرمضاني المنقضي 2023.

وكتب عمر عبر حسابه الرسمي بموقع تحيا مصر: شكرا على الفرصة الكبيرة اللي ادتيهالي إني أشتغل مع حضرتك.. شكرا على ثقتك فيا.. أتمنى أكون قدها.. اتعلمت من حضرتك كتير أوي على المستوى الفني و الشخصي.

وتابع: مش عارف أوصف قد إيه كنتي حنينة عليا ورا الكاميرا وده طمني وساعدني أكون أحسن، الشغل معاكي حاجة هفضل أفتخر بيها طول حياتي.. أشوفك قريب يا حنان.. وهخلى بالى من فرح تحت الوصاية.

أبطال مسلسل تحت الوصاية

ومسلسل تحت الوصاية" تأليف خالد وشيرين دياب، وإخراج محمد شاكر خضير وانتاج ميديا هب سعدى - جوهر، وبطولة منى زكى، دياب، نهى عابدين، أحمد خالد صالح، رشدى الشامى، على الطيب، مها نصار، خالد كمال، ثراء جبيل، محمد عبد العظيم، أحمد عبد الحميد وعدد آخر من الفنانين، ويناقش العمل قانون الوصاية بعد وفاة الاب أو الزوج.