عمرو سلامة يحتفي بنجاح عمر شريف في تحت الوصاية: مبسوط بيك ولسه موهبتك هتاخدك لمكان أبعد

أشاد المخرج عمرو سلامة بالطفل عمر شريف، بطل مسلسل تحت الوصاية، وذلك من خلال تغريدة عبر حسابه الشخصي على موقع التواصل الاجتماعي تويتر.

تحيا مصر يرصد تفاصيل أحدث تغريدات عمرو سلامة عبر تويتر

ونشر عمرو سلامة صورة له رفقة عمر شريف، وعلق عليها قائلًا: مبسوط بيك يا عمر ومبسوط ليك على نجاحك في مسلسل تحت الوصاية، ولسة مواهبك هتاخدك لمكان أبعد، نجاحك في المسلسل ينسبلك إنت والمخرج محمد شاكر فقط، وده اللي بيحصل لما موهبة حقيقة تشتغل مع مخرج محترف وفاهم.

رسالة عمر شريف لـ محمد شاكر خضير

وسبق وأن حرص الفنان الصاعد عمر شريف، طفل مسلسل تحت الوصاية، على توجيه رسالة شكر للمخرج محمد شاكر خضير، بعد تعاونهما في مسلسل تحت الوصاية.

وكتب عمر شريف عبر حسابه الشخصي على موقع التواصل الاجتماعي فيسبوك: بمناسبة نهاية مسلسل تحت الوصاية و أول مشاركة ليا في مسلسلات رمضان، مبسوط أوي أني كنت جزء من عمل كبير حقق الحمد لله نجاح كبير، حابب أشكر المخرج الكبير استاذ محمد شاكر خضير.

وتابع: اللي اختارني للدور وكان بيعاملني كأصحاب مش كمخرج وممثل و دايما كان بيقعد معايا في كل مشهد يعرفني أعمله ازاي ومطلوب مني إيه بالظبط ودايما كان بيبقي مبتسم في وشي وده خلاني دايما متحمس، وبجد بشكره أنه قدمني بشكل مختلف و طلع مني حاجات انا مكنتش اعرف أني ممكن أعملها وده أكيد هيفرق معايا جدا في مسيرتي الفنية اللي لسه في بدايتها.

رأي عمرو سلامة في السينمات المصرية

وعلى صعيد آخر، تحدث المخرج عمرو سلامة عن ارتفاع اسعار تذاكر السينما، موضحًا أن السينما اصبحت تقتصر على الأغنياء والميسورين فقط وجمهور المولات.

وكتب عمرو سلامة منشور عبر حسابه بموقع التواصل الاجتماعي فيسبوك وعلق: لو قسمت أكبر ايراد لفيلم مصري على متوسط سعر التذكرة هتلاقي عدد اللي دخله ٢ مليون شخص.. لو ضربت الرقم ده حتى في ٣، هيطلع ٦ مليون شخص، ستة مليون بالكثير قوي من ١١٠ مليون مصري.

وتابع: ٥٪؜ من المصريين فقط قادرين يروحوا السينما ودي تقديرات حتى متفائلة جدا، اعتقد الأرقام الحقيقية أقل من كده واعتقد النسبة هتقل بسبب الظروف الاقتصادية الحالية، اصل مين الاسرة اللي قادرة تصرف بمتوسط ٥٠٠ جنيه في ساعتين؟.