بسبب مديرة أعماله.. بسمة بوسيل تلغي متابعة تامر حسني على انستجرام

تفاقمت الأزمة بين الفنان تامر حسني وطليقته بسمة بوسيل جعلت الأخيرة تلغي متابعته على موقع تبادل الصور والفيديوهات انستجرام، وذلك بعدما أحيا حفل زفاف مديرة أعماله هال عمر.

تحيا مصر يرصد في ذلك التقرير تفاصيل أزمة تامر حسني وبسمة بوسيل

أزمة تامر حسني وبسملة بوسيل

لم يسمع الجمهور من قبل عن هالة عمر، مسؤولة السوشيال ميديا الخاصة بـ تامر حسني، ولكن بعد احياء الأخير حفل زفافها الضخم بدأ الجمهور يتسائل عنها، ليخرج تامر حسني ويوضح في منشور عبر حسابه الرسمي بموقع انستجرام: "لكل اللي بيسأل عن ايه وجه القرابه بيني و بين العروسه الجميله دي شايف اسأله كتير انا هحكيلكوا هي اسمها هاله عمر عرفتها كانت بنت من الفانز صغيره و من المقاتلين و المدافعين عن تامر على الانترنت و من كتر دفاعها عني لفتت نظري و مره رديت عليها شكرتها.

تامر حسني وهالة عمر مديرة أعماله

وتابع:عرضت عليها تشتغل معايا و هي في السن ده مصدقتش طبعاً و من ساعتها و هي اللي ماسكه كل شغل الميديا الطفله الشاطره اللي كبرت دلوقتي قدامكم هاله عمر، وعريسها طلب ايديها مني عشان والدها و والدتها توفاهم الله. في سنه واحده رحمهم الله ياريت نفتكرهم و نهديلهم ثواب الدعاء و الفاتحه، ومن اللحظه دي اتحولت هاله لبنتي الكبيره بجد اللي بتتجوز دلوقتي قدامي و بسلمها لعريسها بنفسي و بغني في فرحها ، معرفتش ارد على كلامك عني في الفرح يا هاله رديت دلوقتي هنا ربنا يكرمك و يسعدك مع جوزك الجميل المحترم اللي هيكون ضهرك و سندك و يكمل معاكي مشوار حياتك مع اولادكم الجُمال بإذن الله .

رد غير توقع من بسمة بوسيل على تامر حسني

وبعدها بدقائق ردت بسمة بوسيل عبر خاصية “ستوري”، بموقع تبادل الصور والفيديوهات انستجرام على حديث تامر حسني من خلال اعادة نشر فيديو حفل زفاف هالة عمر والتعليق عليه بـ “حسبي الله ونعم الوكيل فيكي ياهالة”، وبعدها كتبت: "احترام العشرة بيبتدي باحترام مشاعر غيرك، خاصة لو سبب في خراب بيتك وهدم حياة أولادك”.