محمد فؤاد يعود للسينما بعد غياب 18 عام بفيلم قلب نيويورك

يعود الفنان المصري محمد فؤاد للسينما بعد غياب 18 عام، بفيلم جديد يحمل اسم «قلب نيويورك» بتوقيع المستشار تركي آل شيخ.

تحيا مصر يرصد عودة محمد فؤاد للسينما.

كلمة محمد فؤاد في المؤتمر الصحفي لحفله في مدينة جدة بالمملكة العربية السعودية

وقال محمد فؤاد خلال كلمته في المؤتمر الصحفي لحفله في مدينة جدة بالمملكة العربية السعودية: معالي المستشار تركي آل الشيخ أبدى نيته إنه هيعملي أكبر فيلم سينمائي، إحنا عملنا فيلم سينمائي وهو إسماعيلية رايح جاي، وفتح السينما لكل جيل، والفيلم اللي اتفقنا عليه اسمه في قلب نيويورك.

حفل محمد فؤاد في جدة

وكان قال محمد فؤاد خلال الحفل: حلم اننا نغني لـ أعظم ناس على وجهالأرض، السعودية ساكنة جوه قلب كل الوطن العربي، الشعب السعودي اللي علمنا يعني إيه أخلاق وكرم، وبحبكم من كل قلبي، والله ممكنأبطل الغناء بعد الاستقبال ده.

وأضاف: أنا بشكر الجمهور السعودي كله والقيادة السعودية والملهم الشاب اللي هيغير وجه الحياة هو والمخلصين الأمير محمد بن سلمانهكذا يكون الشباب بجد اللي بيحبوا بلادهم.

وتابع: شوفوا وهو بيكلم عايز يجيب الكون كله للسعودية ربنا يوفقه واحنا كلنا في ضهره، الوطن العربي محتاج لكل الأيادي الشريفة، مصروالسعودية فيها قادة بتحب وطنها وببارك ليكم إن عندكم قيادة بتحب وطنها من قلبها.

ورد عمرو أديب على مهاجمي محمد فؤاد في تصريحات عبر برنامجه الحكاية والمذاع عبر شاشة قناة MBC مصر: محمد فؤاد كان سعيدا ومبسوطا والناس مبسوطة من أغاني التمنيات والتطعيمات واليوم جميل، بس حصل حاجات وأنا مش فاهمها بس هتكلم على حاجة.

عمرو أديب يدافع عن محمد فؤاد 

وتابع: أول ما نروح حفلة في الرياض، بنلاقي هجوم شديد جدًا على الفنان اللي موجود، لدرجة أننا بنكون مستنين من هناك عشان نشوف أيه اللي هيحصل أو الناس هتودي الفنان ده على فين.

وأضاف: نسأل الناس هل الحفلة مش عجباكوا أو الراجل غنى وحش الإجابة بتكون لا، دا بيسيبوا الحفلة كلها ويمسكوا في كلمة، ويفضلوا يشتموا.. اللي حصل مع محمد فؤاد ده هجوم غير طبيعي.

واستكمل: نعتبره طلع وقال التعبير زيادة شوية، أو خانه التعبير، الراجل متعملوش حفلة كبيرة وفيها الحضور ده من زمان وفرحان، ليه نهاجموا كدا.