تامر حسني لـ سارة وفيق: علمتيلي فيلم من أعز أفلامي ودلوقتي بتخرجيلي حلم

حرص الفنان تامر حسني على توجيه رسالة للمخرجة سارة وفيق، وذلك بعد تعاونهم للمرة الثانية من خلال فيلم تاج، الذي من المقرر عرضه في عيد الأضحى 2023.

تحيا مصر يرصد في ذلك التقرير رسالة تامر حسني للمخرجة سارة وفيق

تامر حسني لـ سارة وفيق: مخرجة عظيمة وتستحقي كل الدعم

وقال تامر حسني عبر حسابه الرسمي بموقع تبادل الصور والفيديوهات انستجرام من خلال خاصية ستوري: يا أستاذة سارة أنت مخرجة عظيمة وتستحقي كل الدعم، أنت وكل فرد اشتغل في الفيلم ده وثقتي الكبيرة فيكي وفي كل أفراد العمل هي اللي خلتني مشغلش ولا عنصر أجنبي في فيلم تاج، ويبقي فيلم مصري 100% بقيادة شباب مصري 100% ده غير إنك مخرجة مختلفة وقلبك جميل وعملتيلي فيلم من أعز أفلامي فيلم مش أنا

وتابعت: النهارده بتخرجيلي فيلم كنت بحلم أعمله من وأنا طفل يعني بتخرجيلي حلم مش مجرد فيلم وده من ثقتي اللي ملهاش حدود فيكي، ربنا يوفقك ويكرمك انتي وكل حد اشتغل من قلبه في الفيلم ده ويكرم كل الناس يارب.

سارة وفيق لـ تامر حسني: شكرا من كل قلبي على دعمك وثقتك فيا

وكانت قد وجهت سارة وفيق رسالة لـ تامر حسني قالت فيها: مبروك يا تيمو نهاية تصوير فيلم تاج، شكرا من كل قلبي على دعمك وثقتك فيا، شكرا على تعبك ومجهودك الجبار اللي عملته في الفيلم.

وتابعت: شكرا على دقتك ومثابرتك واجتهادك وكل حاجة عملتها عشان فيلم تاج يطلع بالشكل اللائق بجمهورك الكبير من أول كتابتك للفيلم لحد أخر يوم تصوير شكرا أنك بتحترم جمهورك وبتقدمله كل جديد.

تفاصيل فيلم تاج

جدير بالذكر، أن فيلم تاج من إخراج سارة وفيق، وكان من المقرر أن تشارك في بطولة الفيلم الفنانة هنا الزاهد ولكن بسبب انشغالها في أعمال أخرى اعتذرت عن العمل، وبعدها أعلن الفنان تامر حسني عن مشاركة الفنانة مي عمر في العمل لكنها اعتذرت هي الأخرى ليقع الاختيار الأخير على المطربة ساندي، ومن المقرر عرضه خلال الأيام القليلة المقبلة في عيد الأضحى.