أحمد بدير يشارك في فيلم تاج بطولة تامر حسني كضيف شرف

يظهر الفنان الكبير أحمد بدير كضيف شرف فى فيلم تاج بطولة النجم تامر حسنى، حيث يخبره أن سلالة عائلتهم يمتلكون قوة خارقة، وأنه يعد أول بطل عربى خارق لا يتأثر حتى بالرصاص.

تحيا مصر يرصد مشاركة أحمد بدير كضيف شرف في فيلم تاج.

أبطال فيلم تاج

فيلم "تاج" من بطولة تامر حسنى، دينا الشربينى، عمرو عبد الجليل، هالة فاخر، محمد نشأت، أحمد عبد العزيز، إسراء أحمد، محمد الجوهرى وعدد من الأطفال، ومن تأليف تامر حسنى وإخراج سارة وفيق، وتدور أحداث الفيلم في إطار كوميدي حول حياة التوأم تاج وهارون، يمران بالعديد من الأزمات ومع امتلاكهما لقدرات خارقة تتسبب في وقوع العديد من المفارقات لهما.

الحكم لصالح أحمد بدير 

على الصعيد الآخر، كتبت ابنة أحمد بدير عبر حسابها بموقع التواصل الاجتماعي فيسبوك تعليقًا على تغريم مي العيدان في تهمة الإساءة لوالدها: في يوم من الأيام لا بيا ولا عليا اتفاجأت ببوست مهين تم فيه استخدام صورتي للإساءة لأبويا بطريقة فيها قلة ذوق وتنمر وقلة أخلاق، وساعتها قلت مش هسكت وهاخد حقي، وأنتي طلعتي كملتي واتريقتي أكتر لما عرفتي أننا أخدنا إجراء قانوني وقولتي بالحرف "ما بيطلع معه شي".

وتابعت: القضاء الكويتي أنصفنا وجاب حقنا في التمييز وساعتها برضه قلتي دي 500 دينار مدفوعة للدولة مش ليهم، وكملتي برضه استفزاز، مع إن الموضوع بالنسبة لنا مكنش فلوس ولا مادة كان سعي ورا الحق الأدبي ورد اعتبار، إنما برضه تماديتي في الإساءة واتهمتينا بصفات لا تصح ولا تجوز.

وأضافت: وعشان كده كان لازم الدرس يبقى قاسي المرة دي، وأظن الحكم دا المرة دي بتعويض مادي عشان كنتي بتتكلمي دايما بمنتهى الثقة باسم القضاء الكويتي وتقولي والله ما هياخدوا مني جنيه، ألف شكر للقضاء الكويتي، كرامة الإنسان قيمة وشيء لا يمكن المساس به أبدا.

أحمد بدير ضيف حبر سري 

وقال أحمد بدير خلال استضافته في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس: أنا التمثيل اللي جلاني جرئ بس أنا طيب وخجول.

وأوضح بدير: في غلطة بيعملها الأخرين وهي أنهم بيكتبوا اسامي ناس أصغر مني قبلي في التتر وده بيزعلني، وكلمة نجم بقى ملهاش معنى وبقت سهلة وأي حد عمل مسلسل بيتقال عليه نجم.

وأضاف: أنا اشتغلت مع اساتذة عظماء ومكنتش فيه حتة التحايل لأن كل واحد معروف قيمته، ودلوقتي لو واحد اشتغل لمرة واحدة بيقولوا  عليه نجم.

واستكمل: اللي ليه جماهيره وتاريخه يتكتب نجم لأنهم بيضيعوا الرحلة ويختصروها في جملة مع واحد لسه بادئ بقاله سنة وبيتساوى مع واحد تاريخه 40 سنة.