حازم شومان يوجه رسالة لـ محمد رمضان: استغل موهبتك صح

وجه الداعية حازم شومان رسالة للفنان المصري محمد رمضان، ينصحه فيها باستغلال موهبته بشكل صحيح من خلال تجسيد شخصيات من التاريخ الإسلامي.

تحيا مصر يرصد رسالة حازم شومان للفنان محمد رمضان.

رسالة حازم شومان للفنان محمد رمضان

وقال حازم شومان في مقطع فيديو نشره عبر حسابه الرسمي بموقع التواصل الاجتماعي فيسبوك: استغل موهبتك صح، لو استغليت الموهبة دي عشان ربنا.. ربنا هيجعلك من أهل المجد في الدنيا والآخرة.. لو استغليت الموهبة دي  عشان نفسك هتموت زي ماغيرك مات.. ممكن الموهبة دي بفن منضبط بشرع الله تمجد بيها شخصية من شخصيات التاريخ الإسلامي.

تصريحات محمد رمضان 

من جانبه، كان قال محمد رمضان خلال لقاذءه مع معتز الدمرداش: «قسم الملابس جزء مهم جدًا في صناعة السينما أو الدراما أو المسرح لا يستهان به، بتعامل مع حفلاتي مثل المسرح فهي عرض ترفيه، الاضاءة بيتم استخدامها بوعي، حسب كل أغنية، فأغنية مافيا لها انترو، والعربية بتطلع بشكل معين، والكشافات اللي بتنور فقط ثم النور الازرق بيفتح براحة، صوت الأوكرة موجود في كل السماعات، صوت خطوات رجلي، فحفلاتي عرض ترفيه».

وتابع: «أنا مش بضع المايك تحت ذراعي وأقول السقفة معانا، أنا مبعملش ده، وهو ده اللي بيميز حفلاتي وبيخليني أغلى مغني في الوطن العربي، فالمغني المصري اللي أجره تحت أجري بياخد 50 في المئة من أجري».

لقاء محمد رمضان مع معتز الدمرداش

وأضاف: «فيه دليل أو شئ بقدمه يستحق ده، مش فكرة أن ده أجري مش عافية وخلاص، حفلتي بتطلب مجهود أخر، والجمهور بيخرج مستمتع وبيخرج عينيه مرتاحة وشاف شئ جميل وجديد مع الأغاني اللي حافظها، الفضل في ده يرجع لربنا وللممثل وخبرتي في المسرح والسينما».

وسبق وقال محمد رمضان: الرحلة أنا مبسوط بيها جدًا بدأت من ضواحي الجيزة والمنطقة اللي أنا اتولدت فيها شكلت جزء كبير في شخصيتي وخيالي، وبيتي أبويا وأمي وإخواتي شكلوا شخصيتي ورؤيتي للمستقبل.

وتابع: أخويا وأختي خريجين آداب فلسفة، فعايش مع اتنين فلاسفة، والفلسفة هي البحث عن الحقيقة، فالكتب متناثرة حولي، وكنت بحب القراءة جدًا، كنت بتخليني أغوص وأعيش فيها، أخويا كان بيجب كتاب الأيام لطه حسين، وإيمان أختي كانت عاشقة للقراءة.