عاجل
الإثنين 17 يونيو 2024 الموافق 11 ذو الحجة 1445
رئيس التحرير
عمرو الديب

بيجيب رجالة ويقولي إبسطيهم.. مشردة المنيب تروى مأساة مع زوجها | فيديو

اسماء مشردة المنيب
اسماء مشردة المنيب

جلست أسماء مشردة في المنيب، وحيدة في الشارع وبرفقتها أطفالها الأربعة لا أحد يعولها، تبيع النعناع على الرصيف، وتشتكي حظها وذلك بعد وفاة زوجها الأول، وقيام زوجها الثاني بالتعدي عليها وطردها بعد أن أحضر أصدقائه إلى الشقة لتعاطي المخدرات.

مأساة مشردة في المنيب بعد ما جوزها طردها

وقالت أسماء مشردة المنيب لـ تحيا مصر «أنا من يوم رأس السنة وأنا وبناتي في الشارع، مرمية هنا ببيع نعناع عشان أعرف أجيب أكل للعيال، وأنا أصلا من مصر القديمة ومتجوزة في الإسكان في المقطم، وكان جوزي محبوس وبعد ما خرج كان مع بتوع المخدرات وبقيت أنا بنزل أشتغل وأجيب فلوس، وأرجع بالليل يكون هو قاعد مع أصحابه في الشقة وبيشربوا مخدرات».

وتابعت مشردة المنيب «جوزي كان بيجيب شباب في البيت من 12 بالليل لحد 6 الصبح، والجيران كانوا فاكرين إني أنا اللي بجيب الشباب دي، وكان يقولي عاجبك قعدي مش عاجبك أنزلي أمشي، وفر مرة أتهجموا عليا بعد ما هو أتخانق معاهم».

اسماء تروى مأساتها: بيجيب رجالة في البيت

وأضافت مشردة المنيب قائة «في يوم كانوا بيشربوا وأتخانقوا على مخدرات وهو قالهم مش معايا، وهما حاولوا يتهجموا عليا ويعتدوا عليا، وضربوه وعوروه في جسمه، وروحت أكتر من مرة عملت محضر في جوزي وفي الشباب اللي بتيجي البيت عندي».

وأكملت مشردة المنيب - أسماء قائلة «أنا كنت متجوزة واحد قريبنا من المنيا وعندي منه رحمة وحسين، لكنه توفى من سنين، وبعدها أتجوزت جوزي التاني من 9 سنين وخلفت منه صابرين وسما، لكن هو في البداية كان كويس، وبعد كدة أتحول لما بدأ يشرب بودرة ومخدرات».

أسماء: جوزي بيشرب مخدرات ورماني في الشارع

وأختتمت أسماء - مشردة المنيب «يوم رأس السنة كان سهران هو وأصحابه وبيشربوا، وساعتها جه قالي هاتي 750 جنيه بدل ما أبيع التلاجة، قولتله لو بعت حاجة من الشقة يتعملنا محضر مش هينفع، ضربني وبعدها طردني من الشقة، وعرفت بعد كدة من الناس أنه قالهم عايزة تطلق تتنازل عن الشقة، وأنا روحت رفعت عليه قضية خلع وعايشة في الشارع ببيع نعناع عشان العيال تاكل ودلوقتي أجرت شقة في المنيب عشان نعيش».

تابع موقع تحيا مصر علي