ياسر علي ماهر: مكنتش لاقي أكُل قبل فيلم ولاد العم.. وقعدت في البيت 3 سنين

الأربعاء 31/يناير/2024 - 08:44 م فن وثقافة

كشف الفنان ياسر علي ماهر عن تفاصيل مروره بأزمة مالية قبل مشاركته في فيلم ولاد العم، وذلك خلال لقاء له ببرنامج حواديت الناس عبر شاشة تلفزيون قناة الشمس.

ياسر علي ماهر: مكنتش لاقي أجيب لولادي لبن

وقال ياسر علي ماهر في تصريحاته التي رصدها موقع تحيا مصر: في فترة مرت في حياتي مكنتش لاقي أكل، أنا مبدأتش امسك فلوس إلا بعد ولاد العم، اللي قبل كدا يا جوع يا سلف، يا اما اللي جاي رايح، ربنا يديله الصحة شريف عرفة وقفني على حيلي نفسيا، وكنت قبلها عملت جمال عبد الناصر وقعدت في البيت 3 سنين وسميحة أيوب قالتلي هتقعد في البيت، وشريف عرفة قالي على فكرة يا ياسر أنت هتشتغل كتير أوي.

ياسر علي ماهر: مبحبش اشتغل إعلانات

وتابع: كنت بمر بمرحل صعبة قبل ولاد العم، مكنتش لاقي اجيب لبن لولادي، وأنا مش بشتغل إعلانات نهائي، ولكن اشتغلت فيها بشروط مالية مبالغ فيها عشان يبعدوا عني، وجالي مرة إعلان برقم محترم وأنا مش لاقي اللضا بس ساعتها كنت بعمل مسلسل اسمه أيام المنيرة وبعمل دور إرهابي بطريقة جديدة وجابولي إعلان هطلع حكم كورة بيغسل بمادة اسمها صعب شوية فقولتلهم لا أنا مش بشتغل إعلانات وأنا مش لاقي أكل.

ياسر علي ماهر: إزاي بتحرموا عليا الموهبة

وفي وقت سابق، استنكر ياسر علي ماهر تصريحات البعض التي تحرم الفن، وذلك خلال لقاء تلفزيوني سابق له على قناة الحدث اليوم.

وقال ياسر علي ماهر: إزاي ربنا أداني الموهبة عشان حد يحرمها عليا؟، ولو جيت عملت شعر يقولوا حرام.. نستوعب ده إزاي؟، ولو الفن حرام ده معناه أنه مفيش لا سينما ولا مسرح ومفيش إحسان عبد القدوس ولا طه حسين ولا كل هذا التراث ولا يوسف شاهين وعلم مصر اللي عليه الصقر، وكل بنت لابسة بلوزة عليها عصفورة، ويبقى كل البرامج مفيهاش بنات، ونهد الحضارة والأهرامات والكباش وكل الشغل الفرعوني والمتاحف والكورة، لأنها بتشغل عن ذكر الله، مع أننا لما بشوف جون بقول الله أكبر، لكن للأسف ظهر مجموعة من المشايخ لا يعرفون الفن.