عاجل
الثلاثاء 14 مايو 2024 الموافق 06 ذو القعدة 1445
رئيس التحرير
عمرو الديب

بإطلالة مميزة.. حورية فرغلي تتألق من حفل اختيار ملكة جمال العرب

حورية فرغلي
حورية فرغلي

تألقت الفنانة المصرية حورية فرغلي من حفل اختيار ملكة جمال العرب المقام اليوم السبت الموافق 10 فبراير، وذلك بإطلالة مميزة لها، لاقت إعجاب الجمهور وخطفت الأنظار.

إطلالة حورية فرغلي 

تصريحات حورية فرغلي 

على الصعيد الآخر، قالت حورية فرغلي في تصريحات يرصدها تحيا مصر في برنامج In deep: طفولتي كانت صعبة، بابا وماما انفصلوا وأنا عندي 48 ساعة، أكتر حاجة عايزة أنساها هي طفولتي، لأني أتحرمت من الطفولة والمراهقة.

حورية فرغلي 

وأضافت حورية فرغلي: الدادة بتاعتي كانت أحن واحدة عليّ، كانت فلبينية وقعدت معايا لحد ما بقى عندها 73 سنة وماتت، كنت بقولها ياتيتا، زوج ماما كان حنين عليّ، وزوجة بابا ماتت في غارة من غارات العراق، ورأسها طارت قدام عيالها ماتت موتة صعبة.

واستطردت حورية فرغلي: بسبب حجم الإذاء وأزمة الطفولة، أنا قعدت لـ 8 سنين مبتكلمش، ولا بنطق خالص، الدكتور قال لماما بنتك مبتتكلمش، لأنها محتاجة حب وحنان كتير.

الفنانة حورية فرغلي 

حورية فرغلي تعلق على نجاح ساحرة الجنوب 

وكشفت، من أسباب نجاح ساحرة الجنوب أني بحب المقابر، ومبخافش منها، وأدفنت مرة، ومرضتش يجيبوا واحدة بدالي تعمل المشهد أنا اللي عملته.. أتدفنت في مقابر العياط، وهناك في شجرة كبيرة، الساعة 3 الفجر، الدنيا كانت حر ورطوبة بطريقة صعبة.

وأوضحت: أول ما حفروا الحفرة وحطوني تحت كان الجو تلج، كأنها تلاجة موتى، أطلع فوق حر موت، لكن مخوفتش ومحستش بحاجة، لاني كنت عارفة أنه تمثيل، أنا مبخافش من الموت، ومستعدة له، نفسي يجي بصراحة، لأن الدنيا بقا دمها تقيل، الناس أتغيرت وأخلاقها أتغيرت، مبقوش يخافوا وبقا في عنف، ومفيش أصول.

سارة نخلة تستنكر تصريحات حورية فرغلي 

واستنكرت سارة نخلة تصريحات حورية فرغلي قائلة: في بعض التصريحات مينفعش ي جماعة اننا نقولها عن عبث بدون سيرش أو نسأل، مينفعش نجمة بحجم حورية فرغلي تطلع تقولك أنا منعوني من التبني، لو جينا للدين إحنا حرام نتبنى، في حاجة اسمها كفالة اليتيم، في دولة بتشتغل كل سنة على مشاريع جديدة وتسهيلات كتيرة جدا علشان نقدر نكفل اليتامى والأطفال اللي محتاجة رعاية.

وتابعت، القوانين اللي بتتعمل أو التسهيلات دي الهدف منها تقليل عدد المؤسسات أو دور الرعاية، وزيادة عدد الأطفال المكفولين، إحنا كدولة بنشوف مشروعات من وزارة التضامن الاجتماعي بتوفر وتسهل لينا الكفالة فمينفعش أطلع أقول مسمحوش ليا لأن في شروط للكافلة ممكن يكون حضرتك مستوفتيش الشروط كلها، الكلام واضح ومش محتاج ترجمة مش هصحي الصبح أقول عايزة أكفل طفل ف هيحصل.

تابع موقع تحيا مصر علي