مفيدة شيحة: الراجل إمكانياته محدودة.. والسوشيال ميديا خلت الستات أكثر وعيًا

تحدثت المذيعة مفيدة شيحة عن تأثير مواقع التواصل الاجتماعي على السيدات، وذلك خلال تكريمها في ملتقى جيرلز سبيس، الذي أقيم أمس بأحد المولات بالشيخ زايد.

مفيدة شيحة: الراجل إمكانياته محدودة جدًا

وقالت مفيدة شيحة في تصريحاتها التي يرصدها موقع تحيا مصر: الراجل إمكانياته محدودة جدا.. والسوشيال ميديا تأثيرها على الست بقى أكثر وعيا، الست بقت تعرف حقوقها وتعرف أيه اللي ليها وتعرف اللي عليها، ودا من السوشيال ميديا الصح، فالستات اللي بتتابع الناس الصح، بياخدوا أفكارهم وبياخدوا تجاربهم صح، والستات اللي بتتابع الناس بهلوانية الطباع أكيد مش بيستفيدوا بحاجة.

مفيدة شيحة تكشف تطورات سهير جودة الصحية

وسبق وأن كشفت الإعلامية مفيدة شيحة، عن تطورات الحالة الصحية للإعلامية سهير جودة، وذلك خلال برنامجها الذي يحمل اسم الستات.

وقالت مفيدة شيحة: أحب أطمنكم على سهير، هي الحمد لله بقت شوية كويسة، وإن شاء الله قدر المستطاع هنحاول بكره تكلمنا ونسمع صوتها، وده وعد أخدته منها امبارح هتكلمنا لما تقدر، لكن يعني ألف حمد شكر لله ربنا أنعم علينا بنعمة التحسن وإن شاء الله هتكون قريب معانا.

تصريحات مفيدة شيحة عن حلا شيحة

وعلى صعيد أخر، حرصت الإعلامية مفيدة التعليق على عودة الفنانة حلا شيحة للتمثيل مرة أخرى بعد الاعتزال، وذلك خلال حلقة من برنامج الستات المذاع على شاشة تلفزيون قناة النهار.

وقالت مفيدة: حلا شيحة غلطت مرتين، تعترض وتقول بعد ما الجمهور بيصدق مش لاعبة الفن حرام وكأنه حرام، كل الناس عارفة انك طيبة، ولكن الجمهور والمتابعين محتاجين أن يثقوا فيكي.

مفيدة شيحة تكشف عن تفاصيل أزمة سهير جودة الصحية وآخر تطوراتها

الاختيار التاني هو الأنضج والأقوى والأنجح.. مفيدة شيحة تحتفل بخطوبة ابنتها

مفيدة شيحة: الفن مش لعبة

وتابعت: والثقة تحتاج لشخص قوي، ويقدر يواجه، ويا صديقتي العزيزة كل واحد فينا ممكن يعدي بوقت صعب، لكن اللي أنتي عملتيه في حياتك هو مجموعة قرارات غلط، ومتضيعيش نفسك.

واختتمت حديثها: الفن مش لعبة وكل الناس عارفة أنك موهوبة وملتزمة وطيبة ولازم تدي الناس انطباع انك قوية ويجب أننا نحس أنك راجعة الفن عن اقتناع.