بعد تعاونهما في فيلم ري ستارت.. هنا الزاهد للفنان تامر حسني: تستاهل كل النجاح اللي أنت فيه

كشفت الفنانة المصرية هنا الزاهد عن سعادتها بتعاونها مع الفنان تامر حسني من جديد في فيلم ري ستارت، وذلك بعد تألقهما في فيلم بحبك.

هنا الزاهد تعلق على تعاونها من جديد مع تامر حسني 

وكتبت هنا الزاهد في تعليق يرصده تحيا مصر عبر موقع تبادل الصور والفيديوهات القصيرة إنستجرام: يا تامر أنا مبسوطة أوي إننا هنتقابل تاني في فيلم ري ستارت بعد فيلم بحبك اللي حقق أكبر نجاح في الوطن العربي لحد النهاردة، ما شاء الله، يا رب يكرمنا في الفيلم ده ونعمل حاجة أحلى كمان.. تستاهل كل النجاح اللي أنت فيه بجد.

رد تامر حسني على هنا الزاهد 

ليرد تامر حسني، قائلًا: أنا اللي مبسوط أكتر منك، انتي مشروعي من وانتي صغيرة لحد ما بقيتي نجمة النجوم، إن شاء الله ربنا يكرمنا أجمل كرم، خصوصًا إننا بنعمل نوع تاني خالص عن اللي قدمناه قبل كده.. ربنا يوفقك يا هنا ويوفقني معاكي.

هذا وأشادت الناقدة الفنية دعاء حلمي بالفنانة هنا الزاهد وقالت في تصريح خاص لموقع تحيا مصر: هي ممثلة شاطرة وقبولها حلو أوي أوي أوي دمها خفيف وشغلها على السوشيال ميديا خادمها بشكل كبير البنت كويسة والكاميرا بتحبها ودا نادرًا لما بنلاقيه في الوجوه الجديدة وباربي كده في نفسها.

وتابعت، هي مناسبة للبطولة اللي هي زي الأعمال اللي بتقدمها بتكون أعمال خفيفة مبتديش حجم أكبر من حجمها ولا إنها تبقى نجمة فتنزل بقى من طيارة خاصة لا عايشة سنها.

تصريحات هنا الزاهد 

وأعربت الفنانة هنا الزاهد عن سعادتها بردود أفعال الجمهور على مسلسل سيب وأنا أسيب  خلال مداخلة هاتفية لها ببرنامج كلاكيت مع الإعلامية لينا الطهطاوي.

وقالت هنا الزاهد: من بداية المسلسل وكل حلقة بتكون أقوى وسعيدة بردود الأفعال خاصة على آخر حلقتين تم عرضهم.

وتابعت، صورنا العمل في شهرين بلبنان، وأعمل جاهدة على تقديم أعمال مختلفة كما أن ردود الأفعال فاقت توقعاتي، على الرغم من أنني توقعت منذ البداية أن يتسبب المسلسل في حالة لكن رد الفعل كان رهيبًا".

هنا الزاهد في آخر عروض مسرحية تيت: مبسوطة اني واقفت قدام فناني الكوميدي المفضل أحمد حلمي

بطولة هنا الزاهد.. تامر حسني يتعاقد على فيلم جديد بعنوان ري ستارت

ومسلسل سيب وأنا أسيب بطولة هنا الزاهد وأحمد صلاح السعدني ومن تأليف رنا أبوالريش بمشاركة منة فوزي وإخراج وائل إحسان ويشارك في بطولته محمد جمعة، محمود البزاوي، عارفة عبدالرسول، أحمد سلطان، آية سماحة، ساندي، دنيا سامي، محمود السيسي، يارا جبران، كارلوس عازار، هنادي مهنا، وغيرهم.