بعشق يوم وفاتي وعامل أغنية رثاء لنفسي.. أبرز تصريحات أحمد سعد

أدلى الفنان المصري أحلام سعد بعدة تصريحات حول يوم رحيله عن عالمنا، وذلك خلال حلوله ضيفًا على برنامج Abtalks الذي يقدمه الإعلامي أنس بوخش عبر موقع الفيديوهات العالمي يوتيوب. 

أحمد سعد يتحدث عن يوم وفاته

وقال أحمد سعد في تصريحات يرصدها تحيا مصر: أنا بحب يوم وفاتي وبعشقه اليوم اللي هتحرر من كل الحاجات اللي ماسكاني، وفيه أغنية أنا عاملها رثاء لنفسي عشان تنزل بعد وفاتي.

أحمد سعد في Abtalks 

وتابع: عايز أعيش في سلام من جوا ومن برا، وحلمت حلم وأنا عندي 25 سنة وشوفت حاجات عن نفسي غريبة جدا، فيها شخص مختلف تماما شفت أنا فين وممكن أروح فين بعد كده، وصحيت من الحلم ميت من العياط وبسبح كتير، وعندي إحساس دايما وأنا ماشي بالعربية بقعد أستغفر لكل الناس.. وأنا متدين ومتصوف بشكل معين.

لقاء أحمد سعد مع الإعلامي أنس بوخش 

واستطرد أحمد سعد، بقالي 3 سنين بنجح نجاح كبير عليا جدًا.. وكل سنة بيحصل ليا حاجة غريبة الناس بتقولي السنة دي سنتك فبخاف فـ بجتهد أكتر.

وأردف، النجاح بالنسبالي أن كل الناس في الحياة يلقوا عندك حاجة يحبوها ليك سواء بقى طريقتك أو خفة دمك، والناس بتسمع أغنية إيه اليوم الحلو ده في شوارع باريس والفقراء والأغنياء وبتعمل أجواء حلوة ليهم.

وأضاف الفنان المتألق أحمد سعد، كنت عامل أغنيتين سألت نفسي كتير من أكتر الأغاني اللي بتعبر عني وأغنية أنا إنسان، وبحس إني ببان على شكل وأنا من جوا شكل تاني خالص والصراع بين الخير والشر هو ده أنا.

أحمد سعد: حاسس أني طيب وغلبان وبحب الظهور ودا مرض

أحمد سعد: أنا متدين بشكل معين.. وسبت البيت وأنا عندي 15 سنة

واستكمل، سبت البيت وأنا عندي 15 سنة.. اخترت إني عايز أكون مستقل في حياتي ومكنتش بشرب سجاير ولا بعمل أي حاجة في الحياة، وفضلت طول الوقت عايش عشان أثبتلهم أن وجهة نظري صح.

وأوضح أحمد سعد، طول حياتي بثبت للناس ومفكرتش أثبت لنفسي، وكل الناس في طفولتها بتخرج أنا كنت بروح أشتغل في 4 أماكن ورا بعض وأمسك شنطة الملحن وأعمله شاي عشان أغني وأقول مواويل.

واختتم أحمد سعد حديثه قائلًا، حاسس إني أنا طيب وغلبان ومبحبش أبان طيب وغلبان.. بس أنا كده مع نفسي بيصعب عليا نفسي والناس وفي علاقة روحانية بيني وبين نفسي.. وبحب أبين للناس إني الجامد والقوي وأصيع واحد في الكوكب، والبني آدم عايز يوري حاجة عكس اللي جواه وفطرتي فيها حاجات تتداس.