قاطعوا تامر حسني.. الجمهور يشن حملة هجوم على نجم الجيل بعد إعلان شيبسي

شن الجمهور هجوم واسع على نجم الجيل، الفنان تامر حسني مطالبين بمقاطعته، وذلك بعدما تولى مسئولية الدعايا عن شيبسي وهو منتج مقاطعة.

تامر حسني في إعلان شيبسي

ظهر تامر حسني خلال السباق الرمضاني الحالي 2023 في إعلان لشيبسي يرصده تحيا مصر على شاشات التليفزيون المختلفة، ترويجًا له وهو ما أثار غضب الجمهور.

الجمهور ينتقد تامر حسني بسبب إعلان شيبسي
 

وتفاعل الجمهور مع هذا الأمر قائلًا عبر مواقع التواصل الاجتماعي المختلفة: تامر نزل مليون متابع من وقت اذاعه الاعلان انا  عملت الغاء متابعه و انت كمان ادخل اعمل الغاء متابعه مستني ايه اتصدمت من إعلان تامر حسني بتاع شبسي يعني مش كفاية اننا مش عارفين نساعدهم كمان تامر طالع يعمل اعلان يشجع الناس تشتري منتجاتهم 💔للاسف تامر حسني نزل من نظرنا أوي  بس كدا كدا أحنا مقاطعين.

ودافع عنه آخر قائلًا: كلمتين هقولهم بخصوص موضوع تامر الي الكل عمال يهري كتير في تامر حسني رمز للأنسانيه الي تلات ترباعكو ميعرفش حاجه عنها وتاني حاجه هو مأجرمش واعلان شايفه عادي  بس انتو شعب فاضي وحوار اعلان شيبسي دا انتو ذات نفسكو بتاكلو شييسي ف محدش يعمل فيكو انه ملاك بجناحين ولا قولولي صحيح انتو بقا اي الي عملتوه للقضيه الفلسطينيه 
ولا حاجه طبعا فككو من البوستين الي اترفعو وقت الموضوع مكان مقلوب وقتها ودلوقتي كل واحد فيكو عايش حياته عادي وبخش كافيهات وبلاقي نص الي قاعدين طالبين بيبسي كمان  طب وصحيح حوار النادي الاهلي الي واخد كوكاكولا راعي رسمي برده دا اي عرفتو ان انتو شعب يقرف وملهوش ملة.

تامر حسني يتألق بكليب أنا حوا

من جانبه، تألق تامر حسني بكليب أنا حوا من كلمات وألحان تامر حسني، وتوزيع وميكس وماستر علي فتح الله ويشارك بالتمثيل فيه أسيل عمران.

كلمات أغنية حوا تامر حسني

إشتريت كتاب إسمه
كيف تفهم حوا
قولت هعرف منه
إيه في دماغها جوا
حوا في كل الجنسيات
بجد تركيبه واحده
لو هنسمي في مسميات
أحن حنينه جاحده
حافظين مش فاهمين
نفس الكلام و بيتردد بيتردد
و إحنا عايشين مساكين
بنجيب في هدايا و نسدد
آه و نسدد
و بعد ما كان
نفسي في واحده تفهمني
من غير ما أتكلم
ما أتكلم
بقيت أدعي ألاقي واحده
تفهمني أصلاً و أنا بتكلم بتكلم

في جوا دماغ حوا كذا حد
ملاك شيطان والله تعبت
لما تعاملها كده انت و حظك
في اللي ساعتها بقى ماسك ال Shift
وديتها مره للدكتور
دكتور دقيقه و نبقى عندك
سألها مالك قالتله مالي
ما انت لو مهتم كنت عرفت لوحدك
حافظين مش فاهمين
نفس الكلام و بيتردد بيتردد
و إحنا عايشين مساكين
بنجيب في هدايا و نسدد