أحمد فهمي: لما اشتغلت كنت مدمن جزم.. ورفضت دخول زوجتي مجال الغنا عشان بغير عليها

كشف الفنان أحمد فهمي عن مروره بأزمة مالية أثناء فترة طفولته، وذلك من خلال لقاء له ببرنامج حبر سري، المذاع عبر شاشة تلفزيون قناة القاهرة والناس، مع الإعلامية أسما إبراهيم.

طفولة أحمد فهمي

وقال أحمد فهمي في تصريحاته التي يرصدها موقع تحيا مصر: وأنا صغير أبويا كان مرتبه قليل وبيجبلي جزمة واحدة في السنة وكان ضد اني ألعب بيها كورة ولما كبرت واشتغلت بقيت مدمن جزم، وأنا عيني مليانة وعمري ما كنت أبص لحد، ودلوقتي بعرف احوش.

وفي اللقاء ذاته، كشف أحمد فهمي عن تعرضه لعملية نصب، فقال: دي كانت مشكلة أن في موظف بياخد الفلوس مني ومش بيحطها في حسابي، وبعد فترة قالولي أن في فلوس دخلت حسابي بالغلط، والموظف اتكشف وهرب، وكسبت ناس ولاد اصول اولهم مراتي وأحمد شامي وهو مسابنيش لحظة في التجربة دي.

أحمد فهمي يتحدث عن أعضاء فرقة واما

كما تحدث أحمد فهمي عن أعضاء فرقة واما، فقال: كل واحد عنده نجاحاته الخاصة، نادر محبش التمثيل، وميدو أكتر حد فينا ناجح في الصوت، وشامي ممثل شاطر جدا، وكل واحد نجح في الحتة اللي هو عايزها، واحنا كلنا فنيا متساويين، وجاتلنا كذا فرصة اننا نمثل مع بعض بس ما كملتش، وفي خليج نعمة كان ميدو هيمثل معايا بس اعتذر.

رامز جلال ساخرًا من أحمد فهمي وحمادة هلال: كبابجي الأغنية.. مكفهمش التمثيل وقالوا يعملوا مصلحة من الأغاني

ماذا قال أحمد فهمي بعد النهاية الصادمة لمسلسل بين السطور؟

وعن رفضه دخول زوجته مجال الغناء قال أحمد فهمي: كل واحد مع مرور الوقت اهتماماته بتختلف، زمان مكنتش عايزها تغني، بس دلوقتي بساعدها في الغنا، وزمان القرار دا كان غلط مني، ومحدش من ولادي عايز يخش الكونسرفتوار.. وأنا صغير كنت أهوج ومكنتش عايزها تغني عشان كنت بغير عليها، ولما عقليتي اتغيرت حسيت أن دا كان ظلم ليها.

أخر أعمال أحمد فهمي

ومن الجدير بالذكر أن أخر أعمال أحمد فهمي مسلسل بين السطور النسخة المصرية للمسلسل الكوري Misty، قامت بالمعالجة الدرامية والإشراف على الكتابة السيناريست نجلاء الحديني، تطوير ورشة سرد، إخراج وائل فرج، وبطولة النجمة صبا مبارك، أحمد فهمى، محمد علاء، وليد فواز، ناردين فرج، باسل الزارو، على الطيب، ودنيا المصرى.