عصام صاصا: عمري ماطلعت رقاصة معايا ع المسرح لأني من جوايا صعيدي.. برنامج أسرار

حل مطرب المهرجانات عصام صاصا ضيفًا على برنامج أسرار مع الإعلامية أميرة بدر المُذاع عبر شاشة قناة النهار الفضائية وتعد هذه هي المرة الأولى التي يظهر بها عصام صاصا في برنامج تليفزيوني وكشف خلال استضافته في البرنامج عن الكثير من التفاصيل خلال مشواره الفني وحياته الشخصية.

برنامج أسرار.. عصام صاصا يكشف سر زيادة مشاهداته عن عمرو دياب ومحمد رمضان

وتحدث عصام صاصا خلال استضافته في برنامج أسرار للإعلامية أميرة بدر والذي رصده موقع تحيا مصر عن أسرار في مشواره الفني لأول مرة، حيث قال: "متغرتش لما أرقامي على اليوتيوب وكل المنصات تعدت محمد رمضان وعمرو دياب لكن انبسطت، وعمري في حياتي ماحسبت أنا ناجح أد ايه ولا بحسب لبكرة وهو دا سر نجاحي إني سايبها على الله،وقتها ميدر أعمالي هو اللي قالي إن أرقامي عدت محمد رمضان وعمرو دياب، عشان كده دخلت شوفت الفيديو وكان الموضوع بالنسبالي عادي".

عصام صاصا يكشف حجم أرباحه من اليوتيوب في برنامج أسرار

وتطرق عصام صاصا خلال لقائه مع الإعلامية أميرة بدر إلى أرباحه من تطبيق اليوتيوب، حيث قال: "بكسب من اليوتيوب واللي يقول إنه مش بيكسب يبقى بيضحك عليكي، أنا بكسب لكن مش زي ما الناس بتقول.. الناس متخيلة إن اليوتيوب فانوس سحري بيجيب مليارات بس هو في الحقيقةمش كده، أنا مبسألش أي أغنية ليا جايبة كام متعاقد مع شركة حافظة حقوقي على اليوتيوب وهي اللي متحكمة في كل حاجة".

برنامج أسرار| عصام صاصا يكشف عن تعرضه للابتزاز هو وزوجته من أحد أصدقائه

عصام صاصا يقرأ قرآن على الهواء لأول مرة في برنامج أسرار

عصام صاصا: ممنوع رقاصة تطلع جنبي ع المسرح لأني من جوايا صعيدي

وكشف عصام صاصا عن سبب رفضه لظهور راقصات بجانبه في أي حفل غنائي له قائلًا: "أنا بعمل حفلات في الساحل لكن أنا الوحيد في مصر اللي عمري ماطلعت معايا رقاصة على المسرح، بضايق ومش بحب أطلع  رقاصة جمبي وانا من جوايا صعيدي لأنها هتاخد 80% من المشاهدات هو اللي جاي الحفلة جاي يتفرج على عصام، ومش بحب الكلام اللي بيتقال بعد كده ف بحب أطلع على المسرح لوحدي".

برنامج أسرار| عصام صاصا: نفسي أمثل وأبقى زي محمد رمضان

كما تحدث عصام صاصا خلال حواره في برنامج أسرار عن الفنان محمد رمضان وعن خطيئة الحسد قال: "عمري في حياتي ماحسدت حد ولا عمري حسدت محمد رمضان، هو أكيد تعب في حياته بجد عشان كده وصل للي هو فيه وأنا لو مكانه أو أي حد مكانه هيبقى زيه، وأتشرف إني أعمال معاه دويتو وأنا بحب التمثيل ونفسي أمثل وأبقى زي محمد رمضان".

وتابع حديثه عند سؤاله عن من الأشهر من وجهة نظره هو أم ويجز ومن الأقرب من قلوب الجمهور والناس، ليرد قائلًا: "أنا موجود في الشارع أكتر من ويجز لأن هو لو بيعمل أغنية كل شهرين أو ألبوم أنا ممكن كل شهر أنزل 10 أغاني، وأكتر أغنية بحبها ليه هي أغنية البخت".