النائب محمد الحسيني: دعم واستقرار الدولة المصرية مسؤولية الجميع

أكد النائب محمد الحسيني، وكيل لجنة الإدارة المحلية بمجلس النواب، أن دعم واستقرار الدولة المصرية مسؤولية الجميع.

النائب محمد الحسيني: دعم واستقرار الدولة المصرية مسؤولية الجميع

وقال “الحسيني”، بندوة تحيا مصر: “أنا أول واحد بيروح البرلمان وآخر واحد يروح علشان يفهم ويتعلم وياخد مكاسب.. وممكن أقعد 10 ساعات في الجلسة علشان أتكلم دقيقتين أتكلم فيهم ومعنديش أي غضاضة، في الآخر شايفين الخريطة وبنشن صح”.

الحسيني: الدولة لو راحت مش هترجع لكن الحكومة لو راحت هترجع

وأضاف وكيل لجنة الإدارة المحلية بالبرلمان: “دعم واستقرار الدولة المصرية مسؤولية الجميع، الدولة لو راحت مش هترجع لكن الحكومة لو راحت هترجع، الدولة لازم نحافظ عليها وقدرنا نستردها بعد اللي حصل في 2011.. لذلك نقدي للحكومة لازم يكون بناء.. أنا نائب شعبي من منطقة شعبية مقتنع إنه لازم يكون ليا دور إيجابي لمساعدة الحكومة في وضع حلول يمكن تطبيقها على الأرض.. علشان كده لو عملنا توصيف للأمر.. فاحنا خدنا الخدمات دي بقوة مش بطبطبة.. ودي كانت إرادة دولة وليست خطة.. الخطط كتيرة لكن الإرادة تعني القدرة على التنفيذ على الأرض”.

وأوضح أن "هذه الجمهورية الجديدة تمتاز بالإرادة، وبالتالي المسؤول اللي معندوش إرادة بيضيع وقت، خطط اتحطط في الأدراج متعملتش.. وناس خدت إمضاء لكن 15 سنة لم تنفذ.. لكن أنا باخد الإمضاء وبروح للمسؤول: "فين الفلوس؟".

النائب محمد الحسيني: مؤمن بالسيسي قبل عضويتي بالبرلمان.. مدبولي يعطي أمل للأحياء الشعبية.. وأفخر بانتمائي لـ بولاق الدكرور

النائب محمد الحسيني بندوة تحيا مصر: علينا ترك خناقة انتخابات المحليات لما بعد صدور التقسيم الإدارى الجديد مع فصل القانون الجديد وصدور الجزء الخاص بالإدارة المحلية

وأردف: "أنا عايز اليوم يبقا  48 ساعة علشان أخد حل للأرض وأسعى للمواطن، وأنا على الأرض مه المواطن وده توجيه من القيادة السياسية لأنه يقرب المسؤول للمواطن.. وفكرة الرضا الشعبي مش بتييجي غير بوجود إمارة على الأرض..

واختتم: “علشان كده مفيش مواطن بيهاجمني لأني معاه طول الوقت، وفي نفس الوقت بعظم قيمة الدولة ولا أنظر للحكومة لكن أعرف أخد حقي من المسرولين”.