إلهام شاهين عن كاملة أبو ذكرى: علمت طفرة في السينما المصرية والممثل معاها بيكون مختلف

حرصت الفنانة إلهام شاهين على توجيه رسالة لـ المخرجة كاملة أبو ذكرى، وذلك على هامش جلستها الحوارية مع الناقد الفني طارق الشناوي اليوم ضمن فعاليات مهرجان القاهرة السينمائي الدولي بدورته الـ 44.

تحيا مصر يرصد في ذلك التقرير تصريحات الهام شاهين عن كاملة أبو ذكرى

الهام شاهين: بطلوع الروح كان كل حلقة فيه فيلم مستقل بذاته

قالت الهام شاهين على هامش الندوة، ردا على سؤال سبب غياب المخرجة عن السينما: “كل حلقة في مسلسل بطلوع الروح لـ كاملة أبو ذكرى كان فيلم مستقل بذاته، كل الشغل كان شغل سينما على أعلى مستوى وأعلى تكنيك في السينما اتقدم في هذا المسلسل، المسلسل أما بنشوفه على المنصات بنتفرج عليه كفيلم طويل، بسب بستمتع استمتاع عظيم، وبشكرك بجد على جمالك وتعبك ومهنيتك وابداعك”.

إلهام شاهين: كاملة أبو ذكرى نموذج للمخرج المبد

وتابع الهام شاهين مشيدة بـ كاملة ابو ذكرى، فقالت: “كاملة مش مخرجة بتاخد نص تنفذه، كاملة نموذج للمخرج المبدع، اللي هو ليه اضافة في كل شوت وكل جملة، وباخد النص لما بقرأه حاجة وفي التنفيذ حاجة وعلى الشاشة حاجة تانية خالص، وأنا بفرح جدا أما بشتغل مع كاملة وبسملمها نفسي تمام بثقة فظيعة، لأنها من أكتر المخرجين اللي بيحبوا الممثلين بجد، لأن فيه ناس بتغير من الممثل، لأنه عايزين يطلعوا شغلهم صح وخلاص، لكن كاملة بتعمل اضافة للمثل، كل الممثلين بيطلعوا مع كاملة حاجة وبقيت المخرجين حاجة تانية”.

إلهام شاهين: كاملة عملت طفرة في السينما المصرية وشرفت اسم الفن

وأضافت: “كاملة عملت طفرة في السينما المصرية، والفيلم اللي عملته معاها حصل على 50 جايزة، بطلوع الروح كل مهرجان بيدخل فيه جايزتين تلاتة، انتي شرفتي اسم الفن المصري".

من ناحية أخرى، شهدت الجلسة الحوارية للمخرجة كاملة أبو ذكرى مع الناقد الفني طارق الشناوي، حضور كلا من النجوم الهام شاهين، لقاء الخميسي، تارة عماد، أحمد جمال سعيد، حازم ايهاب، توني ماهر، لقاء الخميسي، بسنت صيام وأحمد صيام، عمر السعيد، يوسف عثمان، سولاف فخورجي وركين سعد ومحمد العدل، وعدد أخر من نجوم الفن المتألقين، وأقيمت الندوة بعد تكريم المخرجة في مهرجان القاهرة بـ جائزة فاتن حمامة.