عايزين صفقات.. شادي محمد يهاجم لاعبي الأهلي: اللي عايز ياخد إفريقيا ميخسرش كتير

قال شادي محمد، نجم النادي الأهلي السابق، إن جماهير الأهلي حزينة، المشكلة اليوم ليست في الهزيمة من صن داونز، وإنما الاستسلام والروح الانهزامية التي لعب بها الأهلي.

وأضاف "اللي عايز بطولة إفريقيا مش بيخسر كتير.. البطل بيبقا مرعب بره وجوه.. البطل لما يكسب بره هيكسب جوه.. وكسبنا في الجيل الذهبي القطن الكاميروني بره والصفاقسي والترجي بره".

وتابع: "اللي يحب الأهلي ويحترم عقلية جمهوره وتاريخه.. العصر اتغير.. نحتاج بعض اللعيبة في أماكن مهمة ولازم الإدارة تعمل ده في أسرع وقت.. لازم رأس حربة ومدافع وباك ليفت".

وأردف: "الشناوي محتاج منافس له في حراسة المرمى.. والمدير الفني لازم يكون عنده مذاكرة وويدي روح ورجولة في الأداء.. مينفعش أخسر 5 وأخسر من الهلال، وفي نفس الوقت عمال أضيع فرص.. وده معناه إننا مش بنمرن اللاعيبة تمرين مخصص".

أحمد موسى: أنا بشتغل عشان مصر كي لا تسقط .. فيديو

الكيان هو الأهم.. أحمد موسى بعد خماسية صن داونز: عليه العوض ومنه العوض يا خطيب

واستطرد: "لازم يكون في دافع وخل الروح في اللاعبين ودي مهمة الجهاز الفني.. فلابد من إعادة روح الفريق للأهلي.. وللأسف الأهلي فقد ده.. والأخطاء متكررة.. ومش ده دفاع أكبر نادي في إفريقيا".

وبين: "اللاعبون لازم يفهموا إنهم في نادي له تاريخ وله جماهير بالملايين.. ولازم تفهم إنك تكون على قدر المسؤولية طول الوقت.. ولام أنزل ألعب بروح الأهلي .. الللي تخليك وأنت ضعيف تكسب.. ولو خسرت الجماهير هتسقفلك".

تجدر الإشارة إلى أنه يتبقى  مباراتين، فقط، أولهما أمام الهلال السوداني في القاهرة والقطن الكاميروني  في الكاميرون.ويحتاج الأهلي للفوز مع انتظار نتائج الفرق المنافسة لحسم بطاقة التأهل إلى الدور المقبل.

الأهلي يتلقى هزيمة ثقيلة من صن داونز

وكان النادي الأهلي قد تلقى صدمة كبيرة بسقوطه بخماسية مقابل هدفين، أمام فريق صنداونز، وذلك خلال المواجهة التي جمعت بينهما مساء اليوم ضمن منافسات الجولة الرابعة من دور المجموعات ببطولة دوري أبطال إفريقيا للموسم الحالي 2022/ 2023.

الأهلي يسقط في جنوب إفريقيا

وأصبح موقف الأهلي، متأزمًا للغاية في تلك المجموعة، التي تجمد فيها رصيده عند النقطة الرابعة، ولازال في المركز الثالث.

ولا يملك النادي الأهلي، رفاهية خسارة النقاط خلال الجولتين المتبقيتين له أمام كلًا من القطن الكاميروني، والهلال السوداني، فبات محتمًا عليه الفوز فيهما كي يُبقي على آماله في التأهل من تلك المجموعة.

ترتيب مجموعة الأهلي

فيما نجح فريق صن داونز، فرفع رصيده للنقطة العاشرة واعتلى صدارة تلك المجموعة، وبات يفصله نقطة وحيدة عن فريق الهلال السوداني صاحب المركز الثاني برصيد 9 نقاط.

وفيما يلي، ننشر ترتيب مجموعة الأهلي:

1_ صنداونز الجنوب إفريقي 10 نقاط.

2_ الهلال السوداني 9 نقاط.

3_ الأهلي 4 نقاط.

4_ القطن الكاميروني صفر نقاط.