طلبت من زميل ليا اشتغل معاه قالي انتي هتشحتي.. أبرز تصريحات مها أحمد

حلت الفنانة مها أحمد ضيفة على برنامج أسرار والتي تقدمه الإعلامية أميرة بدر على شاشة قناة النهار وعدد من القنوات الفضائية الاخرى، وكشفت به العديد من التصريحات يرصدها موقع تحيا مصر خلال التقرير الآتي. 

مها أحمد: فنان زميل كان بيعمل فيلم كبير ولما طلبت منه دور قالي"هتشحتي شغل"

ورفضت الفنانة مها أحمد ذكر فنان زميل لها استهزأ بها أثناء طلبها دور في أحد أعماله قائلة: "معنديش الجرأة اذكر الزميل اللي قالي هتشحتي دور لآنه مايستاهلش، وكان اكتر واحد بيتنا مفتوح له وبياكل معانا عيش وملح، وكان بيعمل فيلم قلته ايه يبني الأقربون أولى بالمعروف، قالي هو انتي هتربطي على عينك وتشحتي، هو الجري ع اكل العيش غلط او شحاتة". 

وتابعت مها احمد: "السعودية موضوع مش جديد، ومن زمان من أيام المسرح والنجوم الكبار زي الاساتذة عادل امام وسعيد صالح وسمير غانم، ده الزعيم كان بيلف العالم وكان استقباله استقبال رؤساء، ومعنديش مشكلة اشارك في اعمال خليجية، لاني بمثل بلدي، وبلدي أم الفنون وكل اللي عايز يتشهر بيجي عندنا".

مها أحمد: مغلطتش في السقا وكرارة عشان أعتذر لهم 

  وعلقت الفنانة مها أحمد على أزمة غضبها من أحمد السقا و أمير كرارة أثناء عرض مسلسل نسل الأغراب قائلة: "الغضب مخسرنيش السقا وكرارة، ومقصدش ازعل أحمد وأمير، وساعتها مقللتش منهم، والسقا اخويا ولو شاف حاجة معجبتوش فيا بيقولي، لكني غلط إني عاتبت على السوشيال ميديا، أيامها مكنش عندي دراية بقوة وجبروت السوشيال ميديا وموضوع التريند، وكنت بعيدة عن السوشيال ميديا،  ولما لقيت الناس عاملة اكونتات فيك قلت لا اعمل اكونت خاص ليا، وقلت أقعد افضفض مع نفسي عالسوشيال، نمت صحيت لقيت الدنيا مقلوبة عليا، واكتشفت ان في ناس في السوشيال بتكرهك اكتر ما بتحبك.

واستكملت : "كبريائي معملتش حاجة تستاهل اني اعتذر لكرارة والسقا، ومجدي عاتبني وقالي كنتي قلتيلي او فضفضتي معايا الأول، وكان ممكن اشيل البوست اللي عملته لكن لقيت في توابع فيها تطاول، فا قلت مش هشيله، كل الفنانيين كانوا محايدين حتى النقابة، في فنانات ومذيعات مرتزقة كتبوا شكر للسقا وكرارة، على اساس اني بنت البطة السودة، واللي فرق معايا 3 أشخاص، واحدة قعدت تشكر ف المسلسل وبعدها كلمتني ، والتانية معروف انها صاحبتي وفجأة لقيتها كاتبة بوست طويل عريض بتشكر في تربيتهم، والناس في الكومنتات بتقلها طب وصاحبتك؟، وانا معاتبش حد بالعكس هسيبه ع عماه".

مرت بمشكلات شخصية صعبة.. صندوق أسرار مها الصغير زوجة أحمد السقا

مها أحمد وتامر حبيب.. النجوم يقدمون واجب العزاء في وفاة ناهد فريد شوقي| صور

مها أحمد: رافعة 4 قواضي على فادي خفاجة وعلى تيك توك ومكسبهم مضمون

  علقت الفنانة مها أحمد على مشاجرتها مع فادي خفاجة قائلة: "عندي شهوة للستر أن أي حد يقول عليا حاجة وحشة أو حاجة مش فيا، وأنا ناجحة، ومؤمنة جدًا بالحسد وبحب البس حاجة زرقا عشان تحميني من الحسد وبقرأ قرآن قبل ماطلع لايف وأثناء اللايف، لأن معظم الفنانين قاعدين بيتفرجوا عليا ويحسدوني على الريتش بتاعي، زي اللي انا رافعه عليه قضية".

واختتمت: "رافعة 3 قواضي على فادي خفاجة، ومجدي قضية وهما سب وقذف وتحرش، وغير اني هرفع قضية على منصة التيك توك، وهي مضمونة وأكسبها وأنا مغمضة لأنه حقي وعندنا قانون وقضاء عادل هيجيبلي حقي بالقانون".